2011年9月11日星期日

有一晚 一個來電(二)回憶仍在綻放 -9

我地係個刻都冇出聲,靜靜咁享受美好既時刻。
我地,就好似小情人咁,坐係公園。
大家都倚靠住大家。
此刻,我地既關係又變得更曖昧,離情人關係,又跨越左一步。

我望住公園坐低乘涼既老伯伯,老婆婆。
心入面真係好想同阿紫講:唔知道,我地有冇機會好似佢地咁,白頭到老呢......

因為聽日仲要返學,我地都唔可以有咩特別既節目。
於是,我地亦各自返屋企。

食完飯沖完涼後,我返入房。
慢慢咁,將阿紫送比我既禮物拎出黎。

我拆開紙袋,將那禮物拿出。
是一盒巧克力,和一張卡。

那盒巧克力的外形,小小的,四四方方。
中間部分用了一條棕色絲帶綁好。
我小心翼翼地,將絲帶拉開,放在旁邊。

我將盒子打開,迎面而來的是一陣陣,濃郁,芳香的巧克力氣味。
盒子打開後,呈現眼前的是一塊薄薄地牛油紙。
那就像新娘面紗般神秘。
我輕輕,把那面紗掀起,巧克力的氣味,頓時變得更濃。

細心數數,一共有九粒,想起的是阿紫的學號。(應該不會那麼巧合吧)
那巧克力是truffle(我唔知中文叫咩名)

我拿下附帶的情人節卡。

阿樂:
  情人節快樂。呢d朱古力係我自己整架。
  上次去書局見到你話鍾意食呢款,所以我特意為你整左。
  希望我既手勢你會鍾意啦。
  以後當你心口痛既時候,食一粒,咁就唔痛架啦。
  阿紫。

原來,阿紫有記住我鍾意食咩,亦特登去親手整比我食。

我仔細看,巧克力呈”布丁”形狀,當然比實際的布丁細很多倍,只是形狀似。
巧克力頂端,應該還沾上了一些巧克力粉。

我用手指,輕輕地,取了一粒。
拿上手的份量有點重。我慢慢放入口。

味蕾最先嘗到的是那巧克力粉特有的苦澀,
然後,繼而湧現的是微微的甜味。
最後,那甜味都侵佔了我每一種味蕾,每一種細胞。

那一刻,我實在很感動,很幸福。
那種由苦入甜的層次感,就好像在描寫著,我跟阿紫的關係。

阿紫,感謝你將我的情人節加添了意義,加添了靈魂。

情人節過後,我同阿紫既關係,徐徐的,正在升溫,正在邁向沸點。
最終,或許吧,這段關係,能夠昇華,讓我們成為真正的情侶。

4 則留言:

通通 說...

喂,唔好意思, 好耐冇上黎添==

Ebenezer 說...

照常理推演,阿力當晚應該會發好多少年夢...

Unknown 說...

他應該沒有,因為對男人婆沒有興趣

Unknown 說...

tony,

要上多d,日日有更新~~~