2011年9月29日星期四

有一晚 一個來電.......... [(四)初戀下的天空] - 1

10分鐘過後,溫習時間已經完畢。  
阿欣:喂!阿樂!唔好偷雞喎!    
   十分鐘過左去好耐啦!快d收埋本書佢!!    
我:下,唔好啦,比我睇多陣啦!    
阿欣:睇你個死人頭呀!快d!!    
我:知啦知啦....  
之後,阿欣就即刻搵張紙,即興咁出左幾題比我.. 
我心諗:頂!我仲以為佢出書d題目添,搞到我 
    睇熟晒點做...    
阿欣:拿!出完啦!快d做,我比10分鐘你! 
   做晒呢三題佢。        
我:下..我驚唔夠呀..      
阿欣:咩唔夠呀?嫌出得太少呀?再加多五條比你囉咁!  
我:唔係唔係,我係指時間唔夠....      
阿欣:冇呀!10分鐘就10分鐘!做唔晒你就知死!而家開始計緊架啦! 
(佢真係好狗,開始計時都唔同人講聲先       
咁我都唔同佢講咁多,拿拿林做啦.. 
頂,d題目咁鬼難既!      
我死死氣做完三題,跟住戰戰兢兢咁遞比佢.. 
佢一手接過,然後就即刻開始改。 
阿欣:阿樂!你究竟有冇溫書架係復活節...    
   雖然你識得調過去除啦而家, 
   但有d可以約簡你又冇約,有d可以抽出黎你又唔抽! 
   你係咪當我講既野耳邊風先!    
我見狀不妙,拿拿聲講:對唔住呀,我已經盡左力啦..    
           復活節我冇溫過書呀,因為過得好唔開心...  
阿欣聽我咁講,佢話:中一仔會有咩唔開心呀?      
          你昆我唔識野呀?      
          藉口佬!  

個刻,我冇出聲,反正都唔知講咩好,我又冇理由講我d野出黎.. 
阿欣見我咁,佢話:唉,怕左你啦怕左你啦! 
         死老豆咁既樣! 
         今次就算啦,下次再咁差我話比你阿媽知架啦!  
好彩都冇事,我總算開心返一點,佢都叫識見人於微呀。    
阿欣:快打開本書講我知教到邊!      
我:哦,教到.... 
  (講緊既途中,我因為口渴,所以拎左盒頭先未入黎補課前, 
   係小食部買既朱古力奶,諗住飲..) 
點知...阿欣:作死你呀!係課室飲野!      
        (然後佢一手搶左去....   
我:我好口渴呀...        
阿欣望望我盒野,話:仲細咩你,中一仲飲奶! 
          冇呀!沒收呀!    
然後佢就拆開支飲管,拮左黎飲.. 
我:搞錯呀!搶人地支野飲!          
阿欣:係咪當請我都唔得先,我免費教你數學都算唔話得啦! 
   有d人想我教我都唔肯呀!你識咩呀!飲你果少少野就嘈嘈嘈! 
   你要飲呀,比返你囉!      
我:你都飲過啦...唔要啦!  
阿欣:車,懶純情咁!拿拿聲啦!          
因為頭先小測用左d時間,溫多40分鐘到就落堂。 
阿欣:好啦!今日到呢度!  
其實一開頭我都冇點仔細留意阿欣, 
我見做完野有時間就望望佢.. 
我:你唔熱架咩?大拿拿夏天仲著住件冷衫..    
阿欣:呀!你個人真係八掛架喎!    
   我著唔著冷衫駛問過你咩!咸濕佬!.. 
(果刻我真係唔明點解著冷衫,雖然後期我明白女仔係拎黎遮身材) 
我:痴線架你都!又無啦啦話人!  
  唔同你講啦,我走啦!    
阿欣:走啦,咸濕佬!下星期見!

2 則留言:

Ebenezer 說...

今次你寫不倫戀?

熱血宅男 說...

你好勁,你點知啊欣係第2女主角???