有一晚 一個來電.......... [(七)愛與痛的邊緣] -4

內容大概係咁既 " 他輕輕脫去阿儀的上衣，用手指輕輕在她身上游走。 
　　　　　　　　氣若柔絲般輕喘的阿儀，放蕩地吻著他的咀唇。 
　　　　　　　　他變本加厲，肆無忌憚地在阿儀那傲人的雙峰上 
　　　　　　　　揉搓著，再用舌頭輕嚐她豐乳上的那朵粉紅蓓蕾" 
我：喂！X你睇咸野都睇得咁高級。      
　　用晒比喻，咩”粉紅蓓蕾”喎， 
　　X咪即係乳頭！！    
阿薇即刻笑左聲：哈哈，阿樂你都幾咸濕架喎！ 
　　　　　　　　咁寫小說梗係架啦， 
　　　　　　　　唔同寫話”我咬左你粒乳頭"咩！！ 
　　　　　　　　傻既你都！    
同佢坐有個好處，講野完全唔駛有顧慮，    
x啦媽佢根本係一個，會睇愛情小說既男仔黎。  
阿薇：喂！快抄啦！ 
　　　唔好扮晒野呀！    
我：得啦得啦， 
　　鬼唔知你睇到high曬咩！    
　　（雖然佢係女仔，我咁話佢唔係幾好，但我真係忍唔住） 
然後佢又即刻拎本書拍9我．． 
無幾耐，小息鐘聲打起．．． 
我要落去搵一搵miss chan了。

小息時候，我落到去搵miss Chan。 
Miss Chan 見到我搵佢，都有點驚訝。    

Miss Chan： 阿樂， 
　　　　　　點呀，搵我有咩事呢？    
我：Miss Chan，我想問， 
　　我數學仲駛唔駛繼續補？    

Miss Chan：阿樂，其實我見你數學考試既成績都進步左好多。 
　　　　　其實原本我只係打算中一就已經完架啦， 
　　　　　我亦冇諗過你中二會繼續想補。  
　　　　　補唔補你自己做決定吧， 
　　　　　如果想補既，就自己同阿欣講啦。    
　　　　　同時亦都要睇佢得唔得閒先，話晒佢已經中四。 
我：哦，咁呀。 
　　咁我一係搵佢溝通下先啦。  
　　唔該你呀Miss Chan。    

Miss Chan：唔駛客氣，升到中二即使我冇教你數學， 
　　　　　你都要好好比心機唔好偷懶呀知麻？  
我：知啦。    
既然Miss Chan咁講，我就惟有夜晚先打去問阿欣吧。 

我遇見了她 -51

我覺得提出分手唔難，難既係要接受分手依個既結果。講既時候好平淡。但係靜下來時，你腦海就好似錄影機咁只係播返好多既回憶。原來思念一個人係咁苦咁痛! 唔捨得既感受同埋分手既思緒好似一場爭戰咁。不停你推我擋。真係叫我無法入睡。加上成家人都係唔係度，依一份孤寂更加加速我既痛苦。而我既淚水把我個枕頭浸濕晒。我頂唔順起身去開電腦，上下網，想check下email。時間係三點鐘到，Check Check下仲竟然收到Christine一封既email。

//////////////////////////////////////
2008年4月14日(星期一)時間：02:38

永遠不會忘記的人Wind,
想你聽一次依首歌先。
十個他不如你一個

事實上背著良心告別你
我試過責備自己討厭你
從來並未受遺棄
但是我想　還是未及　永不捨棄
皆因不過初戀　稚嫩度猶如做戲
不可到尾　旁人也屢度說起

人人初戀得一次　太回味那時
人人自然自私　要耗盡才終止
以後無論再找十個他
不相似　甚或要　懷念到再來一次
人人失戀失一次　我還未算遲
其時未及認知　愛會在沉默裡中止
我也許失去至知　那快樂全部會停止
卻又未知　下一次

仍然極度在乎你
但是我想　回頭亦是　惹我生氣
初戀不過初戀　但現實誰講道理　
卻仿似做戲　離巢了愛沒有死

最後　最後　對錯抉擇誰知
最後　分離　我都玩過一次
最後　最後　做錯了但我知
結合　分離　最多只有一次
如果你覺得Wilson係我初戀，我會答唔係。少女時只係自己未曾擁有，當擁有後，原來我根本係唔愛佢。所以，當失去佢只係為我帶來短暫既痛苦! 而同你相愛後，我就似一個小女孩咁。永遠都可以係你身上搵到一份被愛、被重視既溫暖。被你氹既甜蜜。尤其你成日都會乜都以我為先。係每一個女人夢寐以求既事。試問，教我怎能忘記呢？

我知道能夠見返Jenny、阿琼同埋返左新工以後。我對你真係忽略左好多。我知道我係一個自私既人。沒有去體會你既感受。沒有做你同爸爸之間既橋樑! 依一點我真係做得好差。你同我經歷左好多既患難，係我人生最失意時。上天好似知道我內心所需。由你出現一刻，就好以把我既人生從最低點拯救出來。我以為自己依一世都唔會有人關心。就算關心也好，都係有其他目的。而你卻完完全全沒有，仲要為我付出更多更多。仲要帶我谷底走左來。依一點我滿心感激你。

Wind~我有嬲你。因為正當我好想同你分享人生既成果。結果你就要返返去你既世界!留下我一個人去開心。今日既成果，最大既功勞並唔係我既努力，係從你身上依一份無私既愛為我鋪既路。我個心好痛，因為我我從來未愛過一個人咁深。你就係我一生第一次戀愛咁，係我真正既初戀! 你唔單只係我既第一，仲係我既唯一。仲係令到我知道咩野叫愛!原來人生沒有你，我真係會乏味。但係爸爸同你之間，真係要我選擇一個。我真係唔知點選擇! 結果就由你幫我選擇。雖然我唔想，但係我知道你一切苦心都係為我。依一點我完完全全感受到你依個男人比我既愛。無論以後我搵到邊個人也好，同過幾多人一齊也好。都不及你一個。因為你比我既野實在太多。
Wind~我地以後唔好再見面啦。因為我怕做唔到放棄你。知嘛？亦唔好回覆返我呀？因為我怕見到任何你既野，自己無法忘記。
感謝你既愛、感激你一直默既付出，為我人生添上一個短暫而又燦爛既日子。我一生一世都會記住同你一齊既日子。
最後，祝福你搵到一個更好既女朋友、可以同你渡每一天。

永遠都會記住你的
Christine
////////////////////////////////////////

Christine比我更灑脫!我內心中見到依一封既email。好清楚話到比我聽一個句號! 我同佢知道係無法挽留依一段關係。就算我人生突然間富有？好多人話你唔係靠能力搵。就算我成為一位博士生？好多人都會話你係一個窮學者。或者唔夠靚仔。就算你去直追人地既期望。只係追，永遠不能夠去滿足晒。我同Christine之間既距離並唔係我去追就可以達成。始終我同佢之間都係生活係一個好現實既環境! 一個由好多人不同思想、標準組織出來既社會。我同佢唔可以只憑一個愛字去生存，而要為生活既基本所需而去努力。係依個世界愛情真係唔係大晒! 相反，愛情只係人生既其中一步。

當睇完晒封Email，我發呆係部電腦播播下歌時，播到依一首歌，又喊過不停。

天意

<完>

我遇見了她 -50

四月~

Christine已經係工作上成為數一數二最top既員工。佢既收入已經係我既二十倍以上。而同佢見面真係少之有少。因為佢太受佢D客歡迎!同樣係四月，我既工作量係之前既三倍。晚晚都要十二點先可以收到工。因此，真係無乜時間溝通。對佢既關心真係少左好多。而佢爸爸因為上一次見面後，行動仲升埋級，無理過佢。甚至連佢家姐亦加入埋依個行列。雖然Christine係事業、感情、友誼上都已經擁有左。但係家庭令到佢受了唔少既困擾。除了係電話聽到佢股票、嘉祺對佢既讚賞，Jenny同阿琼既近況。當談及到屋企人時，佢就淚流滿面。

四月十一日晚，終於收到一個電話打來，係Christine既爸爸。係電話入面既內容係：你同我個女既距離越來越遠。你同佢一齊只係會影響到佢將來既發展。作為爸爸好想自己既女有成就!有更好既發展。有一個生活無憂既家庭。你依一刻可以保證佢快樂! 但係將來呢？你真係保證唔度。不如，早少少放手，同我個女做返朋友咪算囉。你都唔想因為咁？Christine同我既關係差架啦。真係愛佢，就放手。你真係唔岩佢。

Christine爸爸講既野，其實係我諗既野。我既出現係上天比佢既一個天使咁，幫佢走過依一條最艱難既路。今日，佢已經擁有返Jenny、阿琼。而工作上亦開始有少少既成就。我知道，Christine會因為我而放棄佢自己既前途。會放棄一直以來想為爸爸出一口氣既理想。我同Christine已經係對生活要求、同埋物質上已經出現差異。我根本無法去追逐到。亦知道佢開始就得我辛苦。所以，我係度諗？不如就係大家一個最美麗既時間提出分手。我地未曾爭執過、鬧過交。意見分歧。我相信情侶能夠做到依一點係已經好難得、仲係一件好好既事。我覺得當煙花開得最燦爛離場，你腦海更加記得任何最美麗既一刻。唔好等到大家對對方失去耐性，覺得唔再適合自己時帶著埋怨、痛苦而分手。我將依件事同阿靜以及Jenny分享。阿靜當然唔同意，不過好明白我既感受。不過，Jenny同我既諗法都係一樣。亦感受到Christine同我既問題遲早有一日會爆。依一件事對我同Christine 係最好既解決方法。我叫佢答應我一件事：

我：<Jenny~我最放唔低既係Christine最需要人時，無人理佢，你答應我，無論點都會好好照顧Christine。唔會離開佢。>
Jenny：<(淚流) 嗯~ 我一定唔會再放棄佢。Wind ~ 我知道你好辛苦啦。放心，交佢比我。>
我：<(眼濕濕) 我唔辛苦~ 只要Christine將來開心，幸福。算D咩野。>

係四月十三日晚~
終於我同Christine係電話入面好和平下講分手~係電話入面，好最記得我同佢都比左一句說話對方：

我：<你要搵一個比我更愛你既男朋友! >
Christine：<你都要搵過一個比我更朋愛你既人!>

收線後~ 跟住我淚流不留…

我遇見了她-49

Christine返新工~

本來打算接佢返工，但係走唔開。Christine一到左新工作環境後，就send 個SMS比我講話佢已經有自己個位。嘉祺pass左D客佢跟，唔洗佢搵得咁辛苦。仲收到佢message 話今日股票又有斬獲。見到佢又開始投入自己既生活，做男朋友真係會好開心。可惜自己既工作卻忙過不停。原因係個客既貨一返來後，亦隨著工廠陸續開工，自己卻忙過不停。而係當中，同事亦紛紛議論點解我會成日OT。我深知道依D並唔係我能力上既問題!而係步驟上令到我要花好多功夫去處理。所以對於唔明白既人，我亦唔同佢議論或者解釋!因為任何人只係覺得自己係最好、最叻、最掂。我自問係自己既Dept係一個智多星。或者可能自己係某一D天份到比較好D。最開心係可以幫到同事解決一D最困難既問題! 但有時因為工作量，我都唔能夠處理得太多。

係Christine返左新工之後，同佢既接觸既時間，真係少左好多。點解？大家有冇睇過電視。當有一個父親或者母親發現搵返自己失散多年左既兒子時，好多時好想比返更多既時間佢地。Christine自從同Jenny、阿琼重聚後。原本佢100%比晒我，依家要將100%除5。除左我、Jenny、阿琼、屋企人、仲有係office hour後要見客。雖然我真係有D唔慣同埋少少唔舒服!但係我好明白佢內心依一種既心情，所以，我無炸佢型。講真，我自己掛住做野都唔能夠成日陪佢，又點可以怪佢呢？Christine既工作越做越好。單係佢第一個月返工既commission已經係我人工既十倍有多。阿琼一得閒就搵埋Christine去尖沙咀名店行街。Jenny成日叫阿琼，你自己去睇就好啦。唔好蚊埋Christine去啦。阿琼當然無理會Jenny，只係一句：搵得來洗得去。Jenny知道如果Christine咁做會好容易因為金錢就迷失左自己。所以，想佢係未踩得好深時去抽返佢出來。而Christine亦唔係迷失自己既。只係想去滿足一下自己既努力同埋辛苦得來既回報。Christine的確變左好多，並唔係對我既感情。而係係佢生命上面，已經攞返晒自己失去既感情、朋友、甚至工作上既鬥心。

復活節~

我同Christine都好忙~無時間見面，假期期間我要返工，而佢亦要出席D客既BBQ ，Party。去到假期最後一日我地先見面。依一日Christine上午約左個客去朗豪坊。而我就出去會合佢，但佢想去旺角GV睇戲。於是我去買飛。不過發生左件奇事，我做完都覺得自己好戇居。

依一日，我去度旺角火車站個一頭行，但係唔記得咩野事，突然間有一個操普通話口音既人不停蚊住D人。個個人都蚊，我諗住急急腳咁走，但係始終都係難逃一劫。

(依位普通話人著老西，都幾新光頸領)
普通話人：<先生~先生~幫幫忙？我遺失行李和金錢。可唔可以借5佰元給我？>
我：<吓~不如你去報警？>
普通話人：<甚麼？>
我：<um…呀~ 報公安呀？>
普通話人：<我沒有時間？我要趕住六點前到深圳機場飛到上海!求你做下好心，幫一幫下手。>
(吓~ 咁轉接既!點解唔係香港飛，有冇可能呀？仲要大拿拿5百蚊，坐埋上廣州都仲得啦。)
我：<吓~五百元那麼多。>
普通話人：<對呀~因為我在深圳邊託朋友叫了一輛私家車，所以真的十分需要這筆錢。我知道很難叫人借到給我，希望你的可以幫忙一下吧。>

比佢講多兩講，個人有少少心軟。亦諗諗下5百蚊雖然唔係大數目，亦唔係小錢。我都好矛盾下，不過諗深一層如果佢真係需要依筆錢。最後，我叫佢留係原位，我走去襟比佢。比完普通話人想走之際，佢叫我留返個手機號碼比佢，我當然唔想比佢啦，佢死都要跟住我，沿途好似D冤魂咁請左佢上來，送佢唔走，成條街都好多人望住。最後我都比埋佢。依件事後，我只係敢同阿文講，連Christine都唔敢講。佢知道後仲比佢話我~
阿文：<=.=”大佬~你比完錢都唔緊要啦!唔好連電話NO. 都比埋人嘛？乜你唔聽警方既呼籲咩？>
唉~ 我都唔知岩定錯。有時自己係單純，還是無知呢？我真係唔敢去定斷。

我同Christine除左星期日，基本上係無乜點見面，只係講一個鐘頭電話。今日能夠同佢出來拍拖。真係好難得。當同Christine見面後，我第一眼望佢真係同以前既品味唔同左。中環工作真係迫使佢要係物質上面要去追求，你用咩牌子既野都會影響到D人點睇你。所以Christine既改變係必然既。我同佢依一晚睇完戲食完返，係新世紀行左一陣就返去。返到佢屋企留下時，仲係樓下撞到Christine爸爸。同佢打左個招呼之後，佢顯然唔係太在意。畢竟內心對我既成見同埋想法係重未改變過。

我遇見了她-48

待應：＜先生～May I help you ?＞
我：＜請等等？（又中又英想點）你想食咩野？＞
Christine：＜^^你知我乜都食，無所謂啦！你話事啦～＞
我：＜Um～你幫我要依個，依個～～仲有我訂左枝champagne！＞
待應：＜OK~Please wait~＞
Christine：＜嘩～你識睇Ｄ餐牌既？＞
我：＜Sure~>
Christine：＜無理由，你快Ｄ講來聽下！＞

我用英文點餐牌要既野！講得十分流利。平時我同Christine去食西餐，一向都係佢代叫，今次點解我咁叻，因為間餐廳我兩個星期前已經Book定。仲叫佢Fax埋Ｄ餐牌資料比我參考。跟住仲叫我阿文幫我譯埋。教我點讀，同時，我亦記得Christine平時既喜好。所以，台上一分鐘，台下十年功。但係我要承受被阿文插既代價：＜要我堂堂一個會計師走去教你小學生英文。＞我唯有講：＜兄弟嘛…＞Christine聽完後笑左好耐，仲同我講細個唔讀書，大個咪要還囉。不過我都幾同意既。

Ｄ野食亦好快到齊。我一路切野比佢食，一路飲枝預訂既香檳。我望左Chrsitine一眼，佢流露出一份眼神。我覺得係一種享受自己愛既男人服侍自己既感覺。依個感覺令我Feel到佢好溫暖。其實我都好衰，好多時都會選擇食西餐！原因係每次Christine切野唔叻時，可以充分表現出一份優越感。不過，每次咁做，都可以看到Christine既幸福笑臉。令到我能從佢身上，感受到相同既反應。由於大家心情好愉快，我地好快食晒枱上Ｄ野。食完後～就送上情人節禮物。

我：＜（一份包左花紙既細盒）送比你架！情人節快樂！＞
Christine：＜（甜笑）嘻～咩野來架？（定眼望住份禮物）＞
我：＜你攞去先～＞
Christine：＜哦～（單手搖一搖、疑問）咩野來架？可唔可以拆架？＞
我：＜梗係可以啦～＞
Christine：＜嘩～隻錶好靚呀？不過我想問？你係唔係夾定架？=.=”＞
我：＜唔明？＞
Christine：＜嗱～送比你架？＞
我：＜唔係咁夾架～或者我地心有靈犀呢～＞
Chrsitine：＜嗯～＞
估唔到我同佢繼聖誕諗埋同一條橋後，係情人節又再一次心靈相通。大家都買手錶，雖然Christine比我隻錶唔係太貴重，但係對我已經好足夠，係因為佢用佢自己既心機去為我選購。同樣，我送比佢隻雖然唔算太貴，只係一隻限量版來。佢見到隻錶開心到不得了。唔知係因為同我心靈相通而開心、抑或係收到我特別為佢而設既禮物而令到佢開心呢？不過咩野答案都唔重要。最重要佢收得開心。

我同佢係附近行左陣，就答小巴返出荃灣就轉地鐵送佢返屋企。同佢搭車時，我話比佢點解我送隻錶比佢既原因。

我：＜（佢埃住我膊頭）Christine呀～知唔知點解送隻錶比你呀？＞
Christine：＜（佢起身望一望我）每次最鍾意係聽你既原因？你快Ｄ講^^。>
我：＜哈哈～其實想話比你聽時間已經過左去，唔可以望返返轉頭。今後一定要向前去走呀！＞
Christine：＜（好甜咁埃返住我、呼了一口氣）嗯～（感觸）係呀！最難過既過晒。但係爸爸依一關真係唔易過。佢從小到大，都好想我同姐姐一樣，個老公係一個好有成就既人。＞
我：＜係你男朋友無用…＞
Christine：＜Wind呀～以前我都好似爸爸咁諗！依家我好明白，兩個人一齊係無高低、富貴、貧濺。＞
我：＜但係依個世界唔係咁理想、咁童話。人人都係以自己既標準去看任何事。依一點無得去呃自己同埋呃人。係唔係？就好似阿琼、Jenny已經係有兩個立場。＞
Christine：＜係～有時依Ｄ野真係好煩？係唔係呀？＞
我：＜少少啦～不過！我覺得佢地既出發點都係為你好既？佢地鍚你，我都好開心～^_^＞
Christine：＜Wind呀～我知道你對我好！受埋Ｄ咁既委屈。爸爸O個日同我講話比左封好大既利是，問你咁大個仔係唔係都未收過咁大既利是，我聽完嬲左佢幾日。＞
我：＜^_^傻瓜～點可以為左男朋友去頂撞你爸爸呢？佢好辛苦先養到你咁大。＞
Christine：＜咁～即係我唔岩囉！＞
我：＜（令令頭）唔係岩定錯？係我聽到你唔開心，我心痛啫～＞
Christine：＜Sorry 呀～我發左你脾氣。＞
我：＜（輕輕吻左佢額頭）我見到你要受苦…我就會好心痛，知道嘛？＞

Christine滴左粒眼淚係我隻手度。其實Christine無同我講好多關於爸爸既壓力，只係我觀察同埋感受到。佢既眼淚話左比我聽佢係同我拍拖後承受左好多既委屈。所以，當我講中佢既感受時，內心就好似被刺痛一樣。如果要我同Chrsitine爸爸比邊個愛佢女多Ｄ？一定係佢比我多好多。依個世界，最大既愛一定係父母親既愛係最大，最高、最深。自出娘胎後，就不段付出、不段供應。Christine爸爸對個女既期望，並唔係出自私，而係出自一份偉大既父愛。

我遇見了她 -47

返到屋企，成個人都好開心，大約十二點半度。同Christine傾左一陣電話後佢就訓。我望一望個月曆，年初八係時候要拆利是。我年年都係約初七、初八拆。不過～拆左好多封都係十蚊。整個人都好鬼失望。但係拆到一封利事，我嚇左一跳。封利是入面有六張500蚊紙。依一封我記得係Christine爸爸比我既。其實我內心都幾痛，因為我阿爸阿媽每人都係比左100蚊。對於依一封利是，背後的確係有佢既意思。

二月十四日情人節～

當日早上10點半，阿威同阿文好無聊用會議電話搵我吹水，不過我過年都好無聊。通常未有工廠開工，所以坐既時間居多。我仲已經向上司申請左下晝放半日假。因為Christine今日Last day想接佢放工。

我：＜咁早呀～＞
阿威：＜哈～無野做嘛！打來咪關心一下大佬囉。你唔係同我講仲食緊個早餐呀！＞
我：＜=.=”食完9年啦～＞
阿文：＜大佬～琴晚點呀！出得來食飯，應該做返姊妹啦！＞
阿威：＜大佬真係大佬！又為你同大嫂寫下光輝既歷史新一頁！＞
我：＜吓～唉～＞
阿文：＜仲咩野呀？好似唔多掂點喎！＞
阿威：＜同條女鬧交呀？＞
我：＜唔係～：（＞ 於是就將Christine爸爸利是既事講晒佢聽。
阿威：＜嘩～出年帶埋我去拜年好喎～＞
阿文：＜我又去呀！＞
我：＜＝.＝”家下你地係唔係同我分擔心事架？仲要踩多腳落來。我連想打個電話多謝！Christine都叫我唔好呀！＞
阿威：＜咁就幣啦～不過都要證實左先，我有一計～今晚你試下問大嫂，如果佢係多過你！又或者一樣。佢爸爸應該開始接受你。＞
阿文：＜咁如果少過呢？＞
我：＜係喎～＞
阿威：＜咁咪同大佬Wind諗既野咪一樣囉！即係睇佢唔起。叫佢自量下。＞
阿文：＜有道理！大嫂爸爸都幾有料到。用一招咁既方法比你Feel!>
阿威：＜你無病嘛～加下証實左未呀？未吖嘛～聽埋個答案先下定論。＞
阿文：＜＝.＝＂哦！＞

同Ｄ兄弟傾完，心情舒服左Ｄ，我都好希望自己既判斷係錯。到下午我終於收得工，我食埋Lunch就走去攞西裝。我特登走去訂做西裝，因為今晚我book間幾有氣派既餐廳！同Christine過第一個拍拖既情人節。地點係黃金海岸！希望比佢知道我好重視依一個約會。我先返一返屋企。梳洗及換返套衫後。大約五點鐘度，就出去接Christine。佢係唔知架！又為佢制造Surprise先。 ^^

6點鐘～

係佢Office留下，開始見到好多人陸陸續續放工。等左一陣，見到佢出現。佢同同事講完ByeBye後就立即走埋來我度。

Christine：＜嘩～你今日仲乜咁靚仔呀？＞
我：＜因為今日同我心愛既女朋友共渡第一次既情人節！＞
Christine：＜（甜笑）唉～唔知我心愛既男朋友今晚會唔會為我安排豐富節目呢？＞
我：＜Sure!（單眼）>

行去地鐵站途中，見到ChristineＤ同事係我地前面，想同佢打招之際，竟然～

同事Ａ：＜嘩～Christine男朋友咁既款呀？完全唔掂＞
我：＜=.=”>
同事Ｂ：＜係啦～佢咁靚女搵都搵個好Ｄ啦！都唔知貪佢咩野好？＞
我：＜=.=”x2>
同事Ａ：＜乜佢好有錢既咩？＞
同事Ｂ：＜好似做物流喎！比盡咪搵萬八。＞

我以為自己忍唔住，點知Christine佢～

（佢蹺緊我，向前講野）
Christine：＜Wind 呀～你係我最愛既男朋友，唔係貪你有錢、有型、靚仔。係因為你對我太好。女人求Ｄ乜呀，搵錢搵得多又點呀，無幸福、無人要、情人節孤伶伶，如果個男人有錢身痕出去混咪仲大獲，咪乜節日都留返個老婆係屋企過。一個人守生寡囉。＞

同事ＡＢ令轉面。果樣有少少燶燶地。
Christine：＜依～乜咁岩既？唔好意思，我同男朋友有節目趕時間走先。下次返來搵你地食飯呀！＞

我從來未見過Christine鬧人。我都係第一次見，Christine句句話都有骨，原來同事Ａ個樣好普通，但係公司度成日自以為自己好靚。但係到今日都仲係單身，無人溝個隻。同事Ｂ就係一個老公經濟能力好好，係大陸做生意，不過包二奶。＝.＝”如果第二時我得罪Christine咪好大獲。我問Christine點解咁話佢地，因為佢話唔準其他人來話我，要好好保護我喎！哈～依個女朋友真係唔話得。^^

之後我同佢搭地鐵去左荃灣轉巴士去到！我覺得第一年過情人節感覺好特別。尤其我同Christine之間經歷緊濃情既時間，依一種熱戀期既甜蜜係難以形容既。尤其係琴晚完成埋Christine依一年來既心願。總算為依個情人節添多一份額外既開心同埋滿足。去到一間歐陸式既餐廳！Chrsitine好似一個公主咁，而我就好似陪同佢既王子。大家都以一個高貴既打扮、自己好似忘記係一個平民新身份咁。佢就蹺住我行入佢坐~

我遇見了她 -46

我同Christine目送左佢兩個走之後，Christine就企左係度登大眼望住我。

Christine：＜（單手搭住我左邊膊頭）乜我男朋友咁把炮既？搞到我兩位姊妹出度來呀？＞
我：＜=.=”ar~~只係盡下能力咁啫～＞
Christine：＜係咩～三個幾鐘頭去左邊呀！（登大隻眼）係唔係偷偷地去左砵蘭街？＞
我：＜梗係唔係啦～都話約左阿文囉～＞
Christine：＜正話打左比Maggie啦～我話搵你唔度、好擔心你，佢講晒我聽話無約過你呀！仲唔比我估中你係偷偷地去左砵蘭街？哼～＞
我：＜=.=”唉～事到如今～我唯有照直講啦！＞

其實今晚餐飯我只係想佢地三姊妹食，所以我就係空檔時間就走左去周圍行同埋自己食野。但行行下，記得自己從未送過花比Christine。於是咪走去買扎佢鍾意既屈鬱香比佢。知道佢今晚可以見返Ｄ朋友，梗係開心到飛起。再加埋依一扎花。係雙重開心。而諗諗下，情人節當日買花又好唔抵。早一晚平好多靚好多添。雖然一條友係街度遊盪真係好戇居。但係我覺得好有意義。不過咁～我偷睇Christine手機去搵Jenny電話，始終都係一件唔岩既事。

Christine：＜（摸我塊面）傻佬～成日都係掛住為我！你要諗下自己感受嘛。（眼紅紅）＞
我：＜（捉住佢隻手）其實我個心都一直好唔舒服！因為我偷睇你電話，其實好唔尊重你！Sorry呀！）
Christine：＜（令令頭、流淚）你都係為我，唔係你唔會咁做啦！Wind呀～我知道你依段期間，你真係付出唔少。>
(佢埃係我到～我單手攬住左佢！因為佢抱住扎花！我輕輕索左佢個頭一下，眼望對面既大電視～＞
我：＜Christine～因為我愛你，所以我願意你付出更多囉！我要好好保護你嘛！我知道你好想去做既野，我一定會同你一齊去達成。只要你開心就得。＞
Christine：＜（令令頭、流淚望返我）Wind～我已經好幸福！我都要你好幸福！＞
我：＜嗯～＞

跟住就同佢擁吻左一下～真係好甜，之後就同佢搭地鐵返屋企。Christine佢好開心分享成晚食飯既事我聽，我聽完都好開心。Jenny就不停去幫我講說話，仲係分享度遲d會同Wilson結婚。Christine聽到仲話要做姊妹。而Jenny亦好認真問Christine介唔介意。Chrisitne話家內心只得我一個值得愛既人^^。佢已經將Wilson忘記得一乾二淨。但係阿琼對我印象分就麻麻。阿琼認為我同佢始終係外表，生活都係兩個世界既人。完全唔襯，仲叫佢搵過個。但係Jenny極力幫口。當然聽完阿琼對我既評語，點都會有唔開心。之不過咁，佢都係出自對Christine既一份關心。所以我無上到心。任何人有佢既諗法，我無法阻止。

Christine今晚特別開心，因為佢心底既願望達成左。而我亦同佢一五一十講晒我點去搵Jenny、阿琼。佢聽完覺得我好叻喎。而我比佢既回應係：你自己積落來既福。所以，處理都唔係太難。^^。

架車去到九龍灣～

我拖住Christine到一個無開車門既位置！睇下風景。

我：＜Chrsitine～今晚我搵Jenny同阿琼出來，知唔知點解呀？＞
Christine：＜吓～唔係諗住當情人節禮物呀^^>
我：＜=.=”聽晚先送～今晚無！＞
Christine：＜咁～生日禮物！^^>
我：＜（令令頭）岩一半啦～＞
Christine：＜（疑惑）um~咁即係Ｄ乜野呀？唔知喎！＞
我：＜^^生日禮物係一半啦！人日你會容易記Ｄ嘛，其實另一個意義係想送比你當係返新工前禮物！希望你可以重拾信心。＞
Christine：＜蠱惑呀你～咁今日生日唔可以得一半生日禮物喎。>.< ＞
我：＜＝.＝＂你幾時變得咁貪心架？＞
Christine：＜同左你一齊之後囉～咁你係唔係想退貨啦。＞
我：＜No～無Ｄ咁既事，咁係唔係想要生日禮呀？＞
Christine：＜係呀！＞我：＜咁伸隻右手出來啦～＞
（我幫佢帶起左隻介子，因為我Lunch經過M記品牌店攞返隻改完既介子。)
Christine：＜（眼濕濕）衰人，又搞喊人。都唔係生日禮物來既！＞
我：＜係呀！乜唔係生日禮物來咩。你唔會唔要嘛～呵？＞
Christine：＜（令令頭）＞（佢就埃住左我）

相信Christine 係情人節前夕，過得好開心，當一個人能夠達成心願時，真係感觸良多。而我送完Christine返屋企後，收到Jenny既SMS：
＜勞苦功高的Wind,多謝你令到我有返個好姊妹！希望你同Christine永遠開心、幸福！Jenny>

依一個既人日，對我來講都好意義重大，真係有一種苦盡甘來既感受。

我遇見了她 -45

阿琼亦因為依次個半鐘既對話，亦開始溶化左內心既冰。於是我就想佢地幫忙，係情人節前夕，即係人日當日一齊重遇。因為依一日係人人生日，如果Christine係依一日可以得返依兩個朋友就係一份好大既生日禮物！

我覺得依次佢地能夠重遇功勞並唔係我，而係佢地之間既情。Christine自己對朋友無私既付出。亦成為左佢地之間洗不去既回憶。聽落去佢只係為Jenny付出。原來佢對阿琼付出都唔少。阿琼中學時，有次唔小心跌親斷骨入左醫院。Christine日日去醫院探佢。攞湯比佢，佢同補習。出院後，仲日日提早出門口扶佢返學。阿琼成績唔夠好，比同學背後話。Chrisitine利用自己既影響力幫佢講話。（因為佢又叻又靚、所以人緣好好。）而有次老師話阿琼功課做得唔好。結果打回頭，要佢一晚要交返份功課。Christine去左阿琼同佢一齊通霄搞掂。因為咁仲捱到發燒。阿琼感激佢之餘，又好內疚。所以，Christine係過往為依兩位朋友既付出。雖然無人會知道，但係對於依兩位朋友係心存內心。永不能洗去。

佢地食到11點15分，Christine打來～

Christine：＜我走得～你係邊呀？＞
我：＜我係銀行中心囉。正行緊來朗豪坊。＞
Christine：＜嗯～咁我地係門口等。＞
我：＜好～Bye Bye！＞

大約係唔洗5分鐘，我就係門口等佢!我見到Christine係扶手電梯度令轉面同Jenny同阿琼傾緊計。Jenny離遠指住我，Christine一見到我，又來眼濕濕。然後一步一步行埋來。

Christine：＜（眼濕濕、好感動）仲乜拎住扎花既？＞
（係十一枝鬱金香）
我：＜仲有唔夠一個鐘就情人節嘛。今日買平好多嘛^^。>
Christine：＜市儈＞
我：＜（令令頭）其實係慶祝你破鏡重圓，完成左一生既心願。＞
（遞比佢～仲鍚左佢一啖^^）
Christine：＜好衰架～又搞喊人。＞
Jenny：＜Christine～你依個男朋友真係無得頂。佢真係為你付出好多。＞
阿琼：＜＝.＝＂仲好鬼煩添…咩野人會兩日Send一次email來呀～佢係唔係做追數架。＞
Christine：＜嘻～佢係咁煩架，不過真係對我好好~Wind呀～多謝你！（鍚左我一啖）＞
Jenny：＜哈哈～真係好羡慕呀～時候都唔早（捉一捉Christine隻手）你以後要多Ｄ搵我。＞
阿琼：＜衰女～咪掛住拍拖唔識人呀！＞
Christine：＜Wind 唔該～幫我拎一拎呀？＞
（幫佢拎住左）

然後再佢地三個攬住左…

Christine：＜以後無論發生咩野事～我地都係永遠既姊妹！＞

我遇見了她- 44

阿琼：＜佢無野呀？唔洗為自己所做既野負責呀！＞
Jenny：＜都過左去啦？＞
阿琼：＜搵條仔打來算點呀？依啖氣係你先可以吞得落。＞
Jenny：＜哎呀～阿琼～Christine家下都承受左好大既代價啦。＞

我知道如果要溶化阿琼對Christine既怒氣。必需要真誠同埋耐性。於是我就叫Jenny比阿琼個Email比我，我每兩日就Email一次比佢。期間都好灰，因為真係音訊全無，我唯有透過摺星星叫自己要堅持做落去。Send左約個半月倒啦，終於收到回音，阿琼主動係一個晚上打比我，個排我工作好忙，咁岩又冇約到Christine。

我：＜喂～你係邊位呀？＞
阿琼：＜我係阿琼～＞
我：＜^_^我等左依個電話足足一個月有多啦，好開心你打來。＞
阿琼：＜乜你好愛Christine咩？佢值得你咁做咩？＞
我：＜嗯～如果我知道依個係佢既心願…無論個代價幾大。我都會想盡辦法去達成。＞
阿琼：＜救命呀～依個世界仲有Ｄ咁既男人既？＞
我：＜哈～有！依家咪同你講緊電話。＞
阿琼：＜乜你同Christine係條街度識既咩？＞
我：＜嗯～係呀！＞

我遇見了她 -43

我：＜Jenny～你真好？我以為你唔會搵返我？＞
Jenny：＜有諗過架？不過我都好想知Christine既近況！＞
我：＜你唔嬲佢咩？＞
Jenny：＜開頭有～之後無啦！依個世界乜野問題都係雙向，自己都處理得唔係好，我都無顧及過Christine見到我男朋友出來既感受。同樣，佢同Wilson一齊時，我都有搶返Wilson啦！依家都無岩、無錯、無恨、無怨？所以無嬲啦。＞
（Jenny真係一個頂級既好女仔，一個大方、成熟。仲係好懂得反省自己、用心去接納別人）
我：＜佢都因為失去左你同阿琼，所以唔開心左好耐。甚至連工作佢都失去信心。家下放工就閃架啦。＞
Jenny：＜（突然～）吓～無可能喎…佢野唔會係咁架喎？唔通Wilson既事？＞
我：＜唔關佢事，Wilson係佢心目中，遠遠不及你同阿琼！＞
Jenny：＜（無奈）吓～乜我對佢真係咁重要！＞
我：＜（肯定既語氣）係！佢同我講一生最大既願望就係有返你同阿琼。為左依件事喊過好多次。＞
Jenny：＜其實我都喊過好多次～Christine係我心目中都係一個好重要既人。係喎～點解你咁叻可以追到我地個班花呀？＞

於是我就講晒相識經過，到拍拖。

Jenny：＜唔怪得之啦～真係乜野女仔都死。Christine就幸福啦，女仔最鍾意就係依一種邂逅。真係好替佢開心。＞
我：＜如果你地能夠做返好朋友、好姊妹。佢仲更加開心！＞
Jenny：＜我都好開心，Christine有一個咁好既男朋友。＞
我：＜哈哈～如果我可以做埋你朋友？唔知你會唔會開心呢？＞

依一晚我係屋企留下同Jenny傾左一個鐘，直至Christine打來Check我返屋企未，我先同佢收線。

同Jenny傾完後，我覺得件事比我想像中容易處理，因為Jenny同Christine既感情好深。我平時只係從Christine口中得知Jenny對佢好好。但係當今晚傾完後，完全唔係咁單方面。而我對Christine既了解，除左佢本身話我知之外，Jenny就係我一個好重要既消息來源。記得Jenny講返中七當年有一份個人既功課要交。Christine原本可以係校內試考第一。但就係因為依份功課令佢唔得。原因係有一日Jenny返到學校時，打算係學校print份功課，仲即日交。點知個file有事開唔到。Christine竟然將自己既名改為Jenny。如果Jenny唔交依份功課，校內成績會跌出80以外，結果Christine只係全級考11。而Jenny因為依份功課成績好好，所以由中六既全級35，去到21。有一年，Jenny爸爸有急病入院。佢爸爸係經濟支柱，Christine將由細到大銀行儲蓄約五萬蚊借晒比佢解燃眉之急！而Christine完全沒有將自己既所做既事同人向我分享。只係記住Jenny為過佢既事。所以，我聽完Jenny講後，對於依個女朋友所做既事令我十分敬佩！但係Jenny係第一年出來做野時。透過過數匯款已經還晒比Christine。對於有借有還既人，真係令人好欣賞！

點解要摺星星呢？其實當我聽完Christine同Jenny既事時，當時我只係朋友身份，真係乜都做唔到，直至我做左佢男朋友後，情況係好唔同。雖然我知道用咩方法去搵佢地，但係只係諗唔去做係無用。所以，我透過摺星星依個行動去推動提醒自己去做。就係我同Jenny 接觸後。我都會keep住搵佢，雖然唔係日日，但係我就每兩至三日update比佢聽我同Christine既事。因此，依段時間，我同Jenny亦因為Christine既緣故成為朋友。並且一齊諗計仔去點同阿琼去傾，想佢唔好再怪Christine。阿琼當知道我搵過Jenny時，反應好大。仲好反感。 我都係從Jenny 口中得知。

我遇見了她-42

因為佢見到有兩個人坐左係度，行得越來越埋時佢地兩個都起埋身。Christine 鬆開左我手，就去攬住左其中一個人流淚。

Jenny：<(輕輕拍)傻妹~仲乜野?唔好咁啦。(有少少眼濕濕)>
阿琼：<(眼濕濕) 咁大個人仲係度喊？搞喊埋人？>
Christine：<我係唔係發緊夢呀？我真係無諗過會有依一日呀？>
Jenny：<(喊~) 你無發夢~我地坐底先講啦？>
Christine：<嗯~~>

我拉開左個位比Christine~

我：<嘩~ 今日姊妹重逢？唔岩我~ (望一望Christine) 你同佢地傾下計啦~我有節目。>
Christine：<(右手捉住我搭住佢膊頭既手> 吓~你去邊呀？>
我：<(我拍一拍佢、望住佢) 阿文約左我呀^^~你食完左打比我啦（鍚左佢一下左面）唔好意思，我走先，你地慢慢傾啦。（單左一下眼比Jenny）>

電話響～

我：＜到左啦～＞
阿文：＜係呀～＞（我揮手示意BYE BYE）
我：＜(同Christine講)我要行啦～完左我來接來呀！＞

出左門口

我：＜唔該晒呀～＞
阿文：＜唔洗～咁你去邊呀？＞
我：＜咪周圍行下囉…＞
阿文：＜吓～咁耐無見實有排傾啦！不如我同Maggie過來陪你啦～＞
我：＜咁又唔洗～我好耐都未試過一人世界！＞
阿文：＜大佬呀～你真係把炮！咁難搞都比你搞得掂～＞
我：＜你唔好諗到咁複雜啦～人好簡單架渣。只要放低利益，講返少少意義，咩野都可以傾。＞
阿文：＜咁你放低Ｄ利益（佢意思係錢）比我啦。我人生就會多返好多意義。＞
我：＜Ｄ有錢人真係鍾意向Ｄ窮人搶劫，唔怪得香港貧富懸殊咁勁啦～＞
阿文：＜哦～＞
我：＜唔傾啦～你同Maggie行下街啦～＞
阿文：＜OK~Bye！＞

點解Jenny同阿琼會出來？要追索到我係摺第三粒星星既時間。當時我一直係度諗點先可以令到Christine願望成真。唯一既方法就係要直接。諗左幾日。終於想出一個較為非常既手段。就係等同Christine去街，係佢去左厠所時，靜靜雞偷睇佢電話，因為我好多時都會幫佢拎住手袋。

而Jenny係依件事既關鍵人物。如果可以講得掂Jenny，再用Ｄ時間，阿琼都會接受。而從Christine口中得知，阿琼對身邊既人要求比較高。如果你較為富有、有Ｄ學歷。你講乜都會有乜佢都會受，據知，阿琼男朋友係有錢有型個隻。佢飛機師既職業直頭佢心目中既Dream。因此，我係阿琼身上埋手只係死路一條。反而Jenny份人比較隨和，善解人意。比較踏實。跟Christine性格有少少相似，不過，Christine就比較進取同埋自我要求好高。因此，對於真誠既人，佢較欣賞。

我搵到電話以後，第一次打比Jenny。咁岩佢去左Wilson度，唔係太方便。結果佢第二晚先打返比我。當時我岩岩送完Christine。

我遇見了她-41

2月13日(人日~年初七)

我前一晚約定Christine，因為聽日人人生日點都要出來慶祝。佢聽完都覺得好特別。但係我放左四日假，我要追趕返D工作進度，而Christine亦因為有同事同佢Farewell。所以我地已經有兩天無見過面。依一晚約左七點鐘，地點係朗豪坊門口。佢早到左少少。見到佢時，我都好開心，因為不見一日如隔三秋嘛。我地去左一間西式餐廳!

待應：<先生~幾多位呀？>
我：<有人係入面等緊。>
Christine：<(疑問) 仲有其他人？>
我：＜(UP頭) 嗯～＞

當Christine同我行入去時，佢既眼淚就開始湧出來…

我遇見了她 40

阿妹：<老豆話自己個仔有眼光喎~>

依句話，深信每一個男人好自豪既其中一件事。係可以得到你爸爸既肯定。自Christine一踏入家門，就成為我家人既焦點。突然間，Christine叫左我妹妹過佢度。原來佢買左部IPOD TOUCH比佢。我呆左，因為早排我阿妹想買，仲成日叫我送比佢，我只係同Christine提過下話阿妹想要。我仲諗緊睇睇雙糧既錢夠夠洗先考慮買唔買。講真聖誕節加埋拍拖。的確令我多左負擔! 雖然Christine都好好，已經唔洗我每次出親街都要我比錢。但係我認為作為男朋友為女朋友比錢食飯、其他出街既開支，係一個天公地義既行為。而我自己就算想買XBOX，都要儲多好幾個月錢先敢買。不過加下因為讀書已經唔玩。錢對我來講係搵來不易。所以唔敢亂花。

而我屋企人開飯時，不停叫我夾餸比Christine! 除左爸爸，其他人都不停夾餸。而我爸爸不停打探佢屋企人既背景。Christine既對答得相當得體。而旁邊既我顯然十分唔舒服!因為我阿爸好似差人審犯咁。不過Christine仍然好有耐性咁解答。我見到阿媽從未咁開心過，唔講D街坊以為佢娶新抱。食完飯，Christine好主動去洗碗。當然我阿媽極力阻止佢啦。我阿妹就收完禮後，成個人都十分之熱情，仲做埋屋企既PR，主動拉佢去睇我細個既相。依個時間，我想陪佢地睇，突然間~我比爸爸蚊左去廚房!

爸爸：<(細細聲) 佢(Christine)爸爸身家多過我咁多，人地個女又搵度錢，你襯唔襯得起人呀？>
我：<同得佢一齊，我有分數啦。>
爸爸：<有分數？家下你咩野新鮮蘿白皮呀!人地屋企700幾~800呎，你屋企呢？一眼就望晒。你點養得起人地個女呀？>
媽媽：<好心你唔好咁保守啦，人地同得你個仔一齊，一早已經知佢咩野人啦，個女仔好靚、人品好好，阿媽鍾意依個。>
我：<=.=”(其實Christine係我第二個帶返屋企既女朋友)得啦~我有分數啦，家下人地係度唔好睇啊。我出去先。>

Christine睇見我細個D相，笑得好開心。仲成日係度取笑我細個個樣。阿媽亦幫下口。

媽媽：<Christine~係你先咁好渣，揀我個衰仔做男朋友!>

Christine：<哈~Aunti 你個仔好好，心地好。一個好男仔，我點會放過。(望我)>

阿媽聽完開心到不得了，最後我地逗留到約三點先走。之後同Christine去淘大同德福度行下。臨走時，阿媽叫佢得閒上來食飯! Christine感受到阿媽對佢既熱情，令到Christine亦因為阿媽對佢既鍾意產生左一份親切感。同佢行緊淘大，雖然只得一半鋪頭開左，但係都幾多人行。

我：<傻妹~仲乜走去買部咁貴既機呀？你下個星期返新工，留返D錢比自己嘛!>
Christine：<^^唔緊要啦~上個星期我係股票度大有斬獲呀!知道你聖誕洗左好多錢。亦知道你阿妹好想要，咪代你買囉。>
我：<你股票搵好多呀？>
Christine：<嗯~八萬度啦~不如你都買D啦~>
我：<(令令頭) 唔岩我~ 唔怪得之你話想買個LV 啦。原來係咁。>
Christine：<哈哈~比你識穿添，阿媽話女人既私己錢唔可以比男人知喎。>
我：<=.=”哦~ 咁今晚你出唔出來睇煙花呀？>
Christine：<出唔切呀~不過我好想睇囉。我起碼食到七點半先完呀!>
我：<咁早？>
Christine：<媽媽BOOK左位係藍田，屋企人六點正就要食啦。>
我：<年年都係咁架？>
Christine：<係呀~ 不如你係七點半過來搵我，我知道有度地方睇度。>
我：<嗯~>

5點半就同Christine搭地鐵，之後送到佢藍田，我無出閘就返屋企食飯。Christine係股票上面既斬獲係我四個月既人工有多。內心都會覺得同佢有距離!就算我同佢之間直到依家都冇因為物質而產生矛盾。但始終都係一個既暗湧。男人並唔係介意個女人叻過自己。而係介懷自己唔能夠係生活上比一個更好供應個女人。依一點我真係好介意。因為，我真係好想滿足Christine一切生活所需。

到七點半~我去度藍田等Christine，但係佢7點45分先到。佢一見度我就～

Christine：<爸爸比你既利是呀!>
我：< (突然) 吓~ 咁我要打個電話多謝佢先。>
Christine：<唔好啦~佢見我出來心情唔靚，我幫你同佢講咪得囉。>

之後就搭的士，去左一度地方。我連邊度都唔記得。去到時見到唔少街坊聚集。而煙花匯演亦已經開始左約五分鐘! 我離遠見到少少煙花。因為被人遮住左。而Christine望住我係度笑。

Christine：<你睇度呀？>

我：<(令令頭)睇唔到呀？>
Christine：<咁你又係度~嘩!>
我：<見D街坊咁開心，咪襯下熱鬧咁囉。>
Christine：<哦~咁我都要入鄉隨俗先~~嘩!>

真係比佢激死! 未同Christine拍拖之前，自己都係一個雙重性格既人。好少同人講D開心野。而多分享負面、危機居多，但同Christine拍拖後，我個人好似跳出自己既關架咁。對於好多事都比較睇得正面。簡單來講係開心左。睇完煙花後，我就同Christine去觀塘行多一陣。然後就走。

我遇見了她-39

年初二~

9點半起身梳洗，10點半就去左Christine樓下接佢。我屋企打算會係十二點半食開年飯。今年我既屋企人當知道我同Christine拍拖。媽咪成日都好想見到Christine。不過，爸爸就唔鍾意。並唔係唔鍾意我拍拖。而係Christine既家景比我屋企好。加上佢搵錢多過我。所以，佢有咁既反應。雖然我並無向爸爸提過Christine搵錢多過我。但係爸爸向佢D同事講我女朋友既職業時，佢地有D仔女都係同Christine同行。話我爸爸聽個女仔搵錢多個你個仔。仲串佢：<你個仔就好。>所以，令到我爸爸內心都有條刺。而佢亦係好傳統既男人。成日都會同我講搵女朋友要木門要對木門，竹門要對竹門。不過，時代唔同左。依一D野係我內心已經係過時既野。我知道爸爸係出自一份父愛既關心。之不過係過度既關心，會構成好大既壓力。畢竟我已經係一個獨立自主既成年人。

到左Christine屋企樓下，佢一早已經知道我係樓下等佢陪佢去我屋企。佢見到我好開心，因為佢好鍾意我接佢既感覺。Christine想去APM地下間超市度買野拜年。我同佢講話唔洗啦，但係佢話第一次見我屋企人好想表示一D心意。我內心難以形容依一份心情。因為見到你女朋友咁識做。試問點會唔開心呢？佢揀左兩盒野，一盒係牛油曲奇、一盒係EDO牌既朱古力。然後排左一陣隊同理包埋D花紙就走。

我拖住Christine到我屋企樓下，Christine同我講咁大個女都未去過公屋。乜公屋有閘既咩？於是我地早左45分鐘到。就帶去到屋企附近兜一陣。我拖住佢同佢分享我對公屋既感情同埋睇法。

我：<Christine，如果我地無公屋住。真係成家人要訓街。(無奈~)我份人工係無能力可以去供一層樓。所以公屋係對我地依D人好重要。雖然係一D現今香港人既眼中係低下層，低收入，貧困戶。試問有幾多人能夠付擔得起一層樓呢？>
Christine：<點解唔試下諗居屋呀？>
我：<有諗過，如果我阿妹同我一齊供咪得。咁佢都要嫁。到時我一個人能力去供真係好吃力。>
Christine：<咁又係既~ 好彩我地層樓舊年已經甩左。如果唔係就大獲…我都供餐死。嗚~>
我：<唔係好多人好似你咁幸運~>
Christine：<^^ 我都知既~ 最幸運既係遇到一愛鍚我既男朋友，佢仲係好叻添!>
我：<吓~ 我一D都唔叻，叻既就唔洗咁啦。叻既就唔洗令你爸爸唔鍾意啦。>

Christine：<唉~ 有時都唔知點講比爸爸聽!講佢都唔明。不過咁~聞說我男朋友銀行都有廿幾萬儲蓄喎。應該可以係公屋富豪榜上榜喎。>

我：<=.=”你唔好講出去呀! 我會比人踢走架…^^>

同佢行左一陣就上我屋企，一開鐵閘時。我阿媽好似D女仔搶花球咁，立即衝埋去搶住Christine隻手來拖住。仲立即比封大利事佢。我第一時間望住爸爸既表情。睇下佢咩野反應。佢竟然偷笑。仲同我阿妹咬耳仔。我亦蚊左阿妹埋來。問佢講D乜野。

我遇見了她 -38

依一晚，我同Christine都要各自返屋企食團年飯。然後相約10:00係藍田地鐵站車尾等。打算同佢去維園行年霄迎金鼠。對於我來講比較鍾意西方既節日多過農曆新年。因為聖誕節及新年比較歡欣多D，而農曆年期間就比較冷清。不過年廿九或者年三十就好少少。而今年既年三十晚真係好凍。只得十度到。加上有毛毛雨。Christine早係一個月前話要今年行年霄。所以就算環境幾咁惡劣!我同佢都會照去。我係藍田地鐵站等左約25分鐘。離遠見到佢著住見粉色既North Face羽絨走埋來。深信旁人睇見仲以為有兩個瘦身米芝蓮拍拖咁。

Christine：<件羽絨靚唔靚呀？>
我：<好靚呀!>
Christine：<我最愛既男朋友Wind Wind買比我架!>

今年年頭天氣真係好凍，結果係一月初時，我同Chrisine 去左APM買返件羽絨。佢好鍾意North Face 既款式。我就去左Lafuma買。佢起初唔肯買。因為佢話好腫。又話著返工唔襯D衫。女人好多時都係咁。要靚唔要命。佢見到我苦苦哀求佢下。加上North Face隻色佢好鍾意先肯買。不過只係著便服時，佢先肯著。見到佢著出來比我睇時，你真係好滿足架。因為你能夠將自己既關心透過一件褸去傳遞比佢。而佢又著左又開心又溫暖!

去到天后站時，真係人頭湧湧，密不透風。我同Christine行出去地鐵站都用左成十分鐘。出到仲落住陣毛毛雨。

我：<咁大雨…小姐不如等我遮埋你呢？>
Christine：<咁你成晚遮我啦，唔洗去OK陪我買”姐”啦!^^>
(一開”姐”我鍚左佢磈面一啖)
Christine：<先生~你仲咩野事呀？>
我：<小姐~我想溝你可以嘛？>
(佢打左我羽絨一野)
Christine：<(甜笑)你兩個前咪溝左囉。家下係唔係唔認賑呀？>
我：<哈哈~~各位街坊~女朋友大平賣，年尾大清貨!埋來睇下。咪執輸？>

Christine：<估唔到豬年比人拋棄! : (  >

我：<傻瓜~行啦! 我捨得點賣你走呀~>
Christine：<^^係唔係我太靚你捨得呀~>
我：<=.=”依個其中一個原因，最大原因係我太愛你唔捨得啫~>
Christine：<^^ 嗯~ 咁就差唔多!>

我同Christine就擔住”姐”入去行維園。真係十分之迫人! 好彩入到時，已經無雨。佢同我十字緊扣。俾人迫左迫右。只係見到周圍既人係度叫賣。仲有好多鼠型物品。我同佢只係望下左望下右。想行埋去揀都埋唔到。本來一心想係年霄買下野。但係連迫入去都無能力，我同Christine唯有放棄依個主意!

去到倒數時，我同佢仲係場入面，一齊同現場既人倒數。唔知點解？每逢倒數時，能夠同你既女朋友去見證住一個歷史時刻。你會份外興奮! 一完成送豬迎鼠時。我立即攬住Christine。佢亦好享受同我擁抱既感覺。我諗興奮激動既心情。透過擁抱係可以直接表達到依個既訊息! 我同佢擁抱後，就立即送上祝福語。

我：<恭喜發財、祝你身體健、今年一定要心想事成。>
Christine：<你都要呀! 今年祝你要升職加薪。最好就去讀書啦。>
我：<=.=" 哦~盡能力啦。>
Christine：<唉~ (佢望一望天) 如果今年可以同Jenny、仲有阿琼FD 返就好。我真係好想將你介紹比佢識。>
我：<(搭住佢) 我覺得今年一定得!~~攞隻手出來啦!^^>
(比左粒星星佢)
Christine：<^^ 係呀~個樽就快遮晒張紙啦!!>
我：<家下有幾多粒星星度呢？>
Chrsitine：<唔知呀!三十幾、四十度啦!>
我：<我覺得你既誠意一定感動到佢既(我指住個天)>
Christine：<(望住個天、仲合手) 男朋友我就有、希望有返D朋友。唔該你啦!>
我：<朋友未有住唔緊要、男朋友鍚住先!>

佢聽完後笑得好開心，之後我地就行完走維園。我同Chrsitine仲去埋銅鑼灣食湯圓，跟住就送左佢返屋企。因為佢地家族農曆年有個規矩要凌晨三點前返到屋企。所以，我地都唔敢咁夜走，返到去只係二點幾度! 我係臨送Christine入屋企門口時，約左佢年初二中午上去我屋企食中午既開年飯。佢雖然聽完有D怕醜。仲都UP頭示意好^^!