2011年9月6日星期二

有一晚 一個來電(二)回憶仍在綻放 -3

點解餐具只係得刀叉既

我即刻舉手叫個侍應埋黎,講:點解得刀叉既,我想要對筷子呀唔該!

大家聽完之後,個一刻,阿紫,阿力,AMY,同個侍應都....

同一時間大笑。我心諗:X,發生咩事?做咩笑9我又...

個侍應即刻講:我地呢度西餐廳黎架喎,食野唔用筷子架!
然後佢就笑笑口咁走左去。

AMY仲差D笑到跌左落地添

阿力即刻串我:你唔係諗住用筷子食牛扒呀,哈哈!死傻仔!

(頂,個刻真係瘀到爆,我即刻塊面紅過鐵板!
 由細都大,我都極少係屋企出面食,因為屋企出面都係得大排檔,
 完全未食過西餐,更何況刀叉! )

咁我見咁既情況,都要食架啦
我拎起刀叉,阿紫係我隔離講:傻佬,你掉轉左渣呀。
              用右手渣刀,左手渣叉先順手架麻

AMY同阿力又:

阿紫話:你地唔好咁衰笑阿樂啦,佢第一次梗係會唔慣。

見阿紫咁講,我個心都舒服D!

因為第一次既關係,用刀叉食仲係好唔慣,
反觀阿紫,佢真係用得好純熟喎。
每一塊都切得好靚。
餐桌禮儀真係好唔錯。

我心諗:佢應該成日食西餐吧,真係幸福。
    對我黎講,真係好貴。

如是者,西餐食完過後。大家都各自返屋企啦。

同AMY阿力講再見之後,我諗住轉身走啦,點知...

阿紫:喂,阿樂。

我:做咩?

阿紫:你趕唔趕時間?

我:唔趕呀,你仲有野想同我講? (我真係好好奇,究竟佢想做咩)

阿紫:冇呀,我唔想咁快返屋企住呀,不如我地去商場行下囉。

阿紫咁突然既邀約,令到我都唔知點反應,但個一刻我當然好開心,一定唔會拒絕!

我好爽快咁:好呀!

沒有留言: