2011年10月22日星期六

有一晚 一個來電.......... [(五) 為愛沉溺的七百三十天] - 6

我:??? 阿紫:真係好多謝你呀, 
   我知道你知我唔開心, 
   頭先係度好落力咁哄緊我, 
   我個心係感受得到架。      
阿紫繼續講:其實最唔開心既人應該係你至岩, 
      因為影響得最大既係你... 
      對唔住呀..阿樂,,,我已經盡左力..  
阿紫咁體諒我既心情, 
即使前路有幾困難,我都唔再軟弱同害怕。 
只要有阿紫陪住我就足夠。 
我:我知呀, 
  只要我地活好每一天咪得囉。    
  拿,聽日見架啦, 
  唔好再唔開心啦,變苦瓜乾就唔靚架啦知麻。    
因為打羽毛球,著長褲就唔係好方便打既。 
咁我就是但粒件T-shirt加條波褲就算。 
而阿紫,佢係當日就著左條短袖加條粉紅色既運動短褲,    
耐唔耐晒下佢對白腳,真係人都醒神d!        
哼!不過我係唔會比佢呃到,    
佢咁著,都係想色誘我姐,  
等我打波果時分心, 
然後輸波比佢。(你呃我唔到既,阿紫,我已經睇穿你啦!  
於是,我地就去左簽場啦。 
咁我地當日都冇帶羽毛球拍, 
要向場地果邊借。  
搞掂晒d野之後,我地就正式入去打啦。 
打之前,我同阿紫講。 
我:今日我唔會輸架,你做好心理準備啦阿紫!    
阿紫:睇下點!        
一開波,我地都熱下身先,未咁快正式計分住。 
熱身既途中,順便摸熟下阿紫既波路。(唔知點解呢句打出黎有d意淫既感覺) 
估唔到,阿紫打羽毛球都有返兩下散手。 
睇黎今次我唔可以輕敵啦!    
熱身過後,比賽亦正式開始。 
可能因為我太耐冇打, 
一開波已經輸左幾球比阿紫啦..      
頂!點解會咁架!      
阿紫即刻串我:睇黎有人要好好惡補下球技啦!        
比賽繼續,不過.... 
我發覺我自己既視線,不經意望住阿紫對腳, 
頂!我竟然會分心!      
無理由既,我意志不嬲都咁堅定。      
係!我承應!我意志不嬲都好堅定.....咁望住阿紫對腳  
原來唔係阿紫既球技叻,而係佢既腳功勁。 
在下實在佩服。 
佩服還佩服,我又輸多幾球, 
睇黎我要好好做下心理準備先得。 
我:阿紫,我唔得啦(我唔可以再望住佢對腳啦   
  中場休息唔該        (先打左半粒鐘

阿紫見我咁快就要休息, 
可能以為我個病又發作。 
於是佢好緊張咁行埋黎, 
同我講:阿樂,你做咩呀?係咪見唔舒服呀?      
我話:阿紫,你放心啦, 
   唔係咩體力既問題,    
   而係我而家精神力有點衰弱。    
阿紫好大惑不解咁望住我:精神力???    
我:阿紫,有時有d野, 
  你係唔會明架啦...(然後我又繼續望住阿紫對腳     
阿紫:阿樂,如果你真係見唔舒服就唔好打啦 
   今日就當輸比我啦,嘻。          
比佢咁講一講,我個人終於清醒返!    
我點可以輸呢!唔得唔得!於是,我既鬥志又開始燃點起黎!    
我:阿紫,我地繼續啦!      
阿紫:你真係得?    
我好堅定咁話:嗯!(然後一路望住阿紫對腳直止佢去返對面場     
我地繼續開始。 
因為頭先比阿紫咁講一講, 
頭腦算清醒返d! 
手感亦開始慢慢黎啦!    
上手之後,嬴波亦多左,漸漸咁追返上阿紫。    
我:阿紫,我d手感返返黎啦, 
  你而家認輸都黎得切!    
阿紫:哼!你就想呀!      
打打下波,估唔到,阿紫出第二招!! 
因為打左個幾鐘,大家都開始留汗,佢件衫亦開始透透地... 
比賽繼續時,我亦開始留意住個波點走,但唔係羽毛球    
望下望下,我下意識覺得自己會扯旗, 
頂!點知真係扯左...  
大佬,扯緊旗點跳起煞波呀!      
於是,我又輸返幾鋪。    
比賽分數爭奪亦愈黎愈激烈, 
但無論如何我都要嬴架啦! 
為左達成我既目的。    
於是,我忘記阿紫胸前既一切, 
專心去打波,終於...... 
.............. 
我:yeah!!我嬴左啦!哈哈!      
阿紫:哎呀,真係唔抵呀,爭少少咋..    
我:爭少少都係輸吧!      
我見阿紫d衫真係濕透, 
一黎我驚佢蝕低(雖然已經蝕低左比我   
二黎我怕佢真係會著涼... 
於是....我就係袋度拎件外套出黎..    
我:阿紫,披住佢先啦,唔好冷親呀,知麻?    
阿紫:唔該你呀阿樂..      
然後我就出去買野飲...我買左支水 
比左阿紫飲先..佢一路飲既時候, 
我就用紙巾,輕輕咁幫佢抹汗。      
阿紫就好似食左蜜糖般,同我講:阿樂,你今日咁細心既。  
我:咁你係我女朋友黎架麻,細心d唔好咩?    
阿紫:咁我輸左.. 
   你要罰我咩呀?    
果一刻,我就好情深咁,望住阿紫:阿紫....  
佢亦眼仔碌碌咁望實我...    
然後我個頭就微微向前傾,青蜓點水咁,錫左阿紫額頭一啖。  
然後就話:阿紫,我唔想你以後都唔開心呀, 
     無論以後有幾多野要面對, 
     我地都要互相信任先得呀, 
     我罰你,以後都要咁鍾意我,知麻?    
阿紫聽到之後,即刻攬住我,同我講:嗯,我會架阿樂, 
                 我一定會架。    
今日,即使係簡簡單單既羽毛球, 
我都覺得,只要我地可以互相愛惜大家,我已經覺得好幸福。

話就話暑假會花多點時間陪阿紫,同佢過二人世界,    
但冇理由篇篇文都出我同佢架麻,咁樣睇落去都好快膩啦,岩唔岩先?  
於是,暑假有一日,我老母突然同我講:  

2 則留言:

Madamoiselle Petite*婉兒 說...

Hey多謝留言!最近讀書忙,抱歉沒能上來。(見到很多字就覺得好睏……)

熱血宅男 說...

it is ok.....welcome to my blog also...


hope u will enjoy all the articles~~~