2011年11月16日星期三

有一晚 一個來電.......... [(六) 熱戀中的暑假] – 12

阿欣:我地打幾耐好呀?  
我:唔知呀,你話事啦!    
阿欣:咁打兩個鐘啦,  
   今次我請你打!當係幫你抒發下你d悶氣好冇?  
我:咁好死既你今日,又開解我又請我打波。 
  我真係有d受寵若驚喎!       
  你係咪high大左? 
阿欣:拿,識串咀就即係冇事啦。    
我就同職員講:借多兩塊拍同兩個波呀唔該。  
拎完拍之後,阿欣就係後面推住我,一路講:行快d啦!!  
(果一刻佢呢個舉動,令我諗起阿紫...) 
我:得啦得啦!輸唔切咁!    
去到乒乓波台,我就同佢講。 
我:你開波先啦!    
阿欣:哦。 
然後阿欣就開波,佢一拋起個波就拍過黎,  
個波雖然掂到我張台,但掂唔到佢自己張台呢...    
我:哈哈,你真係一d都唔識架喎。  
阿欣:係呀.. 
   我睇電視d人都係拋起個波開,我咪學佢地囉。    
我:唉,真係怕左你, 
  等我教你d基本野先啦。    
然後,我就行埋去阿欣度, 
簡單講下d乒乓波規則比佢聽。 
我:你岩岩學,開滴滴仔先啦。(然後我就示範比佢睇) 
阿欣:哈,咁好簡單姐,咁呀麻!    (佢做一次) 
我:岩啦岩啦,記住要掂到自己台。 
  如果想個波快d,就開低d啦,好似咁。  
阿欣:咦!係喎。 
   得啦,我已經滿師啦,你可以返返過去受死。      
我:好囉咁。
然後,我就同佢玩左幾手, 
發現阿欣佢要節奏慢一d先可以同我對打得耐少少, 
如果唔係就好易出界。同埋,佢只係打直線....  
我見佢係咁打直線,我就打個斜線陰佢。    
結果... 
阿欣:阿樂你咁奸既... 
   咁陰人都有!!    
我:我比你學野咋!!    
其實..阿欣上手都幾快,雖然係節奏慢左d, 
但起碼都可以打倒好多板。 
有一下..我比佢陰左..    
阿欣:哈哈,你今次仲唔自食其果! 
   終於贏返你一次啦!          
我見佢咁得戚,我就落旋陰佢, 
佢見到個波落台果下突然之間轉左方向彈走左.. 
佢覺得好神奇。      
阿欣:咦!阿樂,  
   點解個波會彈走左既..    
我:因為我落左旋呀麻。    
阿欣:快d教我快d教我!!      
於是,我又行埋去佢度, 
示範一次比佢睇。 
不過,佢學我咁做之後,個冇咩效果咁。 
我見佢個樣好失望,我就稍稍係佢後面, 
捉住佢隻手,教佢開一次。    
我:拿,你塊板面要盡量斜斜地,同幅度大d, 
  等個波可以同塊板面摩擦多一d,先會旋架麻,see?  
阿欣冇出聲,咁我再放開佢隻手望望佢啦! 
呀,點知佢又面紅紅。  
我:你無啦啦又紅咩鬼姐!    
阿欣:關你咩事姐,我覺得熱唔得架!(然後佢就搵個波掉我   
我:哎呀,教你打波仲咁對我,好囉唔打啦。    
阿欣:喂呀!咪咁小器啦你!快d打返啦!    
就係咁,兩個鐘頭就好快過去... 
果然,做完運動出一身汗後.. 
成個人都舒服好多。    
我:阿欣,今日真係多得你我先可以舒服一d。 
阿欣:唔駛客氣.. 
   我都唔想成日見到你果個死樣!    
打完波之後,我就上返阿欣屋企,拎返我袋書, 
然後就同佢講拜拜。 
我:阿欣,我走啦,多謝你今日請我打波。  
阿欣:我地..返學再見啦!      
我:嗯..好呀!拜拜。 
所以,經過果次之後,有時我有咩唔開心, 
除左阿紫之外,第二個就係搵阿欣.. 
阿欣亦不經不覺,默默咁做左我個聆聽者

2 則留言:

Ebenezer 說...

佢地終於開波喇。

熱血艾德 說...

有開始但有終結~