我唔想同Christine係生意上有來往，所以佢好明白！雖然佢好想我利用儲蓄既錢去投資。但係我真係怕金錢會影響到大家既關係。所以，Christine並無迫我咁做。 我地行度佐敦地鐵站，就步行去火鍋店，唔知點解佢好心急想知去邊。成日問我。
Christine：<你帶我去邊呀？係唔拐我架？>
我：<=.=”係呀~拐拐未成年少女呀？>
Christine：<係唔係咁架？老~細(鄉下音)~>
我：<依D叫北妹呀~>
Christine：<嘻~係呀~你咁熟既，梗係成日幫襯呀？>
我：<=.=”X2 識你之前唔會，識左你之後更加唔會。> 女人其實天生係一個偵探，只要一有少少疑點，佢都係唔會放過。正所謂：清者自清。佢最多Charge我望女仔既罪名。
當佢去度火煱店門口，開心度不得了。因為依一間火煱店門口。好多唔同種類既野食。佢見到有D海鮮係門口游下游下。佢問我會唔會一陣游落去佢個肚。我地7點45分開始食，見到佢滿足既表情，望住我同我講：<好好味呀>，又夾埋係你個碗度。同你講：<依一樣好味呀？> 我諗如果D野係生既，佢夾比我都會答：<好好味。> 因為愛情係盲目嘛。但係埋單時見到食左500幾蚊。幾盲目個人都清醒返、真係肉都赤埋。總知去間任飲任食就算啦。
我地食到9點45分。我同Christine就去左食糖水。不過佢疑惑! 因為9點45分，如果要去count down好多地方都應該唔比入。尤其係尖沙咀。我同佢講放心，因為食埋糖水，行陣先都仲得。於是佢就好放心咁同我享受埋個糖水。我地食完就係週圍行一陣。
大約10點45分。就起行去我今晚既目的地。我同佢手拖手行入去九龍公園。行到一半Chrisitine問我~
Christine：<你仲乜帶我來D咁黑既地方？>
我：<哈哈~我就係傳聞中既藍田色魔。>
Christine：<你唔行埋來呀~我叫架~>
去到D咁黑既地方，加上又無人，我點可能唔親一親佢一啖呢^^! 我帶佢走下走下，離遠見到中港城既天橋。金色既燈光射上天橋係特別靚，加上四週既環境漆黑，還有背後既大廈。顯露出依一度地方既高貴。Christine當望完後，就回望我一眼。
Christine：<我咁大個女都未來過呀!依度好靚呀。>
我：<我地行過去囉。>
Christine：<嗯~> 我：<仲乜係度咪咪咀笑？>
Christine：<因為有一個我心愛既男人同我漫步囉。>
我：<就係咁？>
Christine：<(UP UP頭) 我識左你之後，幸福就係好簡單，只要有你係我身邊就係幸福!>
好動聽既一句說話，塵世間最能令你深刻既說話莫過於兩種情況下，第一就係臨終時對你講。第二就你同你伴侶行行下，佢突然由內心發出既說話。而你又諗都諗唔到佢會咁講。我地過左天橋上左中港城既頂層。佢突然間卻步。問我入唔入得。我同講放心依度係公開任何人仕既。我地走過左側邊既露天茶座。然後，經過一間餐廳。我發覺餐廳特別為除夕而設左個晚宴。好多外國人係度飲飲食食，加上餐廳播埋音樂，令到入面D食客都係一路食一路跳舞! 我地又經過左一個海豚型既噴水池。不過無水噴出來。Christine眺望住對面既中環夜景，佢呆左。因為真係好靚。佢問我今晚係唔係度count down。我示意係。之後佢好開心咁埃住我。佢好鍾意睇海景。尤其係尖沙咀望去中環。雖然今晚依度都好多人聚集。但係我地依然搵一個有利位置。我睇睇電話，時間不足半個鐘頭就係有野睇。Christine同我前後腳企。佢成日問我：唔知會呢？有咩野睇？我都係答佢：<唔知呢!^^>
Christine：<D人仲乜野事？>
我：<唔知呢？你望住對面層樓先。>
Christine：<點解咁架？>
我：<因為佢地為我同你第一年拍拖而設囉，Happy New Year!>
佢聽完笑得好甜，然後就同我係一個煙花下鍚左對一下，就咁迎接左新既一年來臨。而依一晚既煙花。雖然無過年、十一國慶時咁好睇。但係因為Christine係我身邊作伴。令到平淡既煙花添上一層深層既意義。依一個時刻，更加成為我生命重要一個既片段之一!
沒有留言:
發佈留言