除夕夜~當日Christine仍然係可以早放工。而我就仍然要收六點。我五點幾已經搞掂晒D野。心情真係特別好。仲早左六個鐘開始倒數。哈~想倒數到六點就可以快D收工。Christine係三點放工打比我，呻佢既工作好辛苦，因為D人好難夾。甚至有同事針對佢，佢好無奈。新工作環境，突然多左個新人入來搶飯食，一定會排外既習慣，加上好多野完全唔識做，同埋各顧各。完全無Team Work。我同佢講如果仲係咁辛苦，做多一個星期就唔好做啦。佢先有少少開心返。作為男朋友真係幫佢唔到。我對佢既行業係外行人。真係唔知點幫佢，我想起阿威，就打比佢，因為阿威係工作上開始建立到自己既定位同埋開始有少少成就。阿威幫我打聽一下佢D行家要唔要人，有就通知我。當然我無同Christine商量。我怕如果真係無空缺既話。佢會好失望。
依一晚，所有節目有我安排。Christine聽左好開心。佢仲問我係邊度count down。當然我無答佢啦。我約左佢七點鐘照舊係旺角站車尾等。我知道佢好耐無打過邊爐。於是，我就係佐敦BOOK 左間火鍋店。仲訂左D大蜆、海蝦。同埋八爪魚。依D係佢最愛既食物。我未見佢時，內心都係一樣咁緊張。其實我未對過一個女朋友係咁。Christine可算係第一人。今次我同佢建立左默契！係到深水步時，已經打定比Christine。話佢知我即將到。我就係車尾既門口企定定等佢。佢亦一早已經排定隊等我。當架車到旺角站埋站時。架車慢慢停定，我覺得好似Ｄ老虎機咁慢慢停定。自己內心不停講：見到~見到~^^。哈~真係見到。度車門同幕門池一聲後，Christine就立即衝入來。拖住我，我就將佢隻手放係我腰後。
Christine：＜有冇掛住我呀？＞
我：＜梗係有啦（錫左佢一啖）你肚唔肚餓呀？＞Christine：＜餓呀～今日都無食Lunch!>
我：＜吓～點解咁架？＞
Christine：＜搵唔到客咪CALL下囉。不過都係食白果。＞
我：＜唔得咁架喎～放左工唔好諗公事，今晚不如食餐好既！話晒都今年最後一日好唔好呀？＞
Christine：＜（UP 頭）嗯～咁食咩野呀～不如打邊爐！好唔好呀？＞
我：＜哎呀～我個心好痛呀！＞
Christine：＜（緊張）你仲乜野事呀！無啦啦會咁既！＞
我：＜唔知呀～不如你幫我聽下。＞
(佢埃埋聽）
我：＜點解我個心o個句你都聽到既。＞
Christine：＜（嬲嬲地）好好玩呀？＞
我：＜Sorry呀～唔好嬲啦。＞Christine：＜你下次唔準攞依一樣野來講笑呀。＞
我：＜知道～＞
Christine：＜咁我地去邊度食？^^＞
我：＜佐敦囉～＞
沒有留言:
發佈留言