我心諗：X，又係呢ｄ老土既自我介紹。我睇都唔睇，就伏低左訓覺。
男班長：各位好，我叫ｘｘ（佢唔重要，費事開名了）
女班長：大家好，我叫阿紫。
就係因為佢把聲，我連伏低訓覺既時候，都抬一抬頭望佢個樣。
因為佢把聲真係幾甜幾好聽。
望到既係一個，樣貌有ｄ包包面，紮辮，對眼好精靈，身材ＯＫ既女仔。
我當時既感覺係．．．．．．．．
X！真係好撚眼訓。唔得．．繼續訓先
我訓唔係真係想訓，只係掩飾緊我唔想接受呢個新環境。
朦朧間聽到班主任講：
而家你地坐緊既位置，只係限今日，聽日我會安排你低坐新既坐位。
就係因為一個令我唔滿意既小學升中派位結果，派到一間我唔願意既中學，
同時亦因為被ＭＩＳＳ安排既坐位表，將我同阿紫既緣份相連一起。
當時既我仲未意識到，原來緣份，一早已經為我鋪緊路．．．．．．．
第二日，我地未入班房之前，要係班房門口集一集隊先。
我：阿力，做咩唔入去呀？
阿力：X，你尋日冇聽Ｍｉｓｓ講架咩？今日坐新位呀麻。
我：係咩？ 唉，坐位呢ｄ求其咪算，搞咁多做咩
班主任：大家靜ｄ好冇！？ 我會安排一男一女坐，費事你地傾計。
阿力即刻話：嘩X！正呀喂！有得同女坐。
我：你駛唔駛成個咸濕樣現晒出黎呀
阿力：你真係唔識野，同女班長坐就正啦！
我：阿紫？
阿力：係呀！成級佢最索咁濟。
我：X，你返左兩日學咋喎，咁快知？
阿力：我有做過Research呀麻！似你咁咩，咩都唔理咁
比佢咁講，我即刻留意阿紫個樣。佢真係幾可愛同靚。
不過我自問樣貌普通，同埋我又冇諗過咁快拍拖，所以對佢冇咩特別感覺。
就係呢個時候．．．
2 則留言:
睇完囉
咁快???
發佈留言