2011年8月26日星期五

有一晚 一個來電(一)回憶都是突如其來-7

我定一定神!如來我轉身果下撞到阿紫,佢當時正拎個飯盒出去掉!

剎那間我感覺到我個上身有D暖暖地同濕濕地!

頂!原來D汁整到我上身件校服到

阿紫即刻講:對唔住呀,呀樂!我唔係有心架!(佢個眼神真係好可憐)
      你冇辣親呀麻?

我見到佢咁既樣,唔通仲x佢咩....

我話:冇事..我去廁所洗洗就冇野!

其實大家都知道冇可能洗倒,洗左化左仲x大達。真係好x7

其後LUNCH TIME BREAK我都係咁俾人望住

真係瘀皮。返上課室上最後兩堂時,阿紫係班門口見到我就用手,

拍一拍我膊頭。

阿紫:喂,阿樂!對唔住呀 拎隻手出黎

我:做咩呀

我講完後佢索性捉住我隻手,送左盒小食部買既糖比我。

然後我下意識即刻縮手,因為我感覺到佢隻手同我隻手有接觸。

佢見我咁,即刻講:SORRY。

我:唔緊要。(其實我唔係咁鍾意人地掂我隻手,因為某D原因,個刻我當然冇講)  多謝你盒糖!

之後我就返左入課室鳥。佢就好似仲有D介意我縮手縮咁快果下.....

事後當晚諗返佢掂到我隻手,雖然我唔係好願意。

但係即使係個一剎那,我都感覺到佢隻手係好暖同柔軟。

個一刻既時間好似真係停頓左咁,話晒第一次比女仔捉住隻手...

我中一個時,先知道原來有一D日子既最後一堂係SET左做班主任堂

呢堂就唔係教書既,拎黎講下班會既野或者做自己野咁。

班主任:為左增加大家對學校既歸屬感,你地每人起碼要參加一樣課外活動OR服務。

我心諗:唔係呀..

放學後,阿力就埋黎問我:喂,你打算參加咩呀?

我:我諗Table Tennis同風紀。

阿力:哦,我打算參加籃球隊呀。(事後發現佢打波幾勁)

阿力細細聲同我講:喂!你條死仔近排好似同阿紫有D兩句喎!

我:咪x玩啦,講兩句就有路咩!

阿力:起碼佢會SHOW你呀,佢平時唔係點理佢地男仔。

我:咁佢多女仔FD呀麻。

阿力:我又唔覺喎,D女仔有D開始妒忌佢。唔係好想同佢玩。

我:係咩,我唔係好留意到。平時見佢幾活潑同笑笑口架喎。

阿力:x,都唔知你隻眼生係邊!唔講啦,返屋企先,拜拜。

正當我執書包想走之際,阿紫轉身同我講:阿樂,你打算參加咩呀?

我照答佢。

阿紫:哦,我打算參加啦啦隊呀!

我:下,你鍾意跳舞呢味野架咩?

阿紫:冇呀,咩都試下呀麻

我:哦,咁如果冇咩野我想返屋企先啦。(好x眼訓 )

阿紫:哎,咪住。

我見佢猶一猶豫,有D野想講咁...

眼見佢猶豫.....我心入面都一股疑惑(當時我冇特別諗D咩野)

阿紫:其實我.........

沒有留言: