2011年8月28日星期日

有一晚 一個來電(一)回憶都是突如其來-11

我:頂,玩野呀! 點呀,個男人婆阿晴有佢溝你?

阿力:你點知佢想溝我?哦!原來你條死仔隊佢埋黎既!我X你!

我:都係益你姐。

阿力:X你啦!男人婆都叫益我,今次真係多得你唔少。

阿紫聽到,拎轉頭講:咩原來阿晴鍾意阿力呀?

我:係呀,唔係既話佢點會咁聽我話,係我介紹佢比阿力識既!

阿力:我既一生就比你咁樣催毀啦,整鋪咁潔既比我。

阿紫聽到,好甜咁講:哦,原來係咁!

我:唔係你以為我同阿晴做咩?

阿紫:冇野喎(好輕挑咁講)

食完LUNCH,我拎藥出黎食。

AMY即刻話:嘩,阿樂!你病呀!早講呀麻,好彩冇飲你包奶。

阿紫聽到AMY咁講,即刻拎過黎問:阿樂,你病咩?冇事呀麻你,咩病呀?

從佢既反應,我見佢係真係好緊張我。但,我內心爭扎緊,諗緊講定唔講。

眼見阿紫,拎轉頭咁緊張望我,搞到我唔知講唔講個真相好。點解?

因為,我地個級(唔係我個班),有個女仔因為行動不便,每日都要拎住

個扶手一下一下咁行,所以冇咩野人會同佢做朋友,可能大多都係嫌佢麻煩。

而我諗諗自己,呢個病雖然唔係咩不治之症,但阿紫會唔會因為咁,嫌棄

唔同我做朋友?我好不容易先係呢間學校得到一點歡樂,我唔想破壞佢,

於是.........

我答: 冇,我感冒姐。唔駛要太擔心既。

聽完我感冒之後AMY即刻作撞咁,彈開幾尺,驚我傳染佢。

我:放心啦AMY,冇細菌可以埋到你身架。

阿紫:感冒都食咁多藥?睇黎你都幾嚴重喎,唔舒服就唔好返學呀麻,傻佬。

我: (阿紫話我”傻佬”,單單呢兩個字,我唔知點解覺得好親暱)

就係咁,阿紫就眼仔碌碌咁望我食藥,好似前世未見過人食藥咁。

我比佢咁望住,我都有D唔自然。雖然隻手有D手震,但我仲係掩飾得好好。

佢見我食完,就係袋入面,拎粒二寶比我,講:食藥苦呀,食粒糖啦。

我:多謝。 (個一刻真係好窩心)

然後繼續上堂。上堂既時候,我都不其然分左心,諗緊,究竟點解

阿紫對我特別好咁。因為好奇心既底下,我決定今晚問佢。突然,

1 則留言:

tonychui 說...

有個網你睇下有冇用
http://www.rank-ad.com/
關於一D網上營銷手法