2011年8月22日星期一

有一晚 一個來電(一)回憶都是突如其來的-2

踏入中一開學既暑假期間,我一直都好唔開心。

因為我小學成績考得唔好,派去一間我唔係咁想讀既中學。

就係咁,暑假搞既中學迎新日我都冇去到。

中一開學第一日。

我一路跑一路自言自語:X!今次真係pk鳥!唔認得路添!

因為我暑假只係去過一次,我亦唔知有咩車可以上到我間學校。

就把心一橫決定行路。但估唔到呢個決定仲仆街。

我一路行一路問:唔該XX中學係邊呀?

陌生人:哦!呢間野雞中學呀,你沿斜路上就係架啦

我:唔該你!

咁我老虎蟹都跑上去,第一日遲到真係好撚瘀皮。

最終,我都趕到。

我中一係讀C班,我心諗:X,唔會係最差果班呀!

但當我後期發現,原來呢班係最好。咁點解唔索性A班代表最好呢?

咁容易令人混淆!!

中一返學第一日唔識野,著校服走去扣粒頸喉樓,而家諗返起都7到喊。

我當時仲好自滿,以為咁就係乖乖仔,真係ON9


當我聽到打鐘聲,排隊果陣,有個好COOL既人同我講

??:X!搞咩鳩呀你!解左粒頸喉樓佢啦,好樣衰呀你。

我當時都不以為意,望望自己....

真係幾7,拿拿林解左佢。

我:你叫咩名(睇佢個樣,好似唔多友善,古惑仔咁款)

??:叫我呀力得啦!

(估唔到打後,阿力就成為我中一至中工最老死既朋友。)

我:我叫阿樂。

阿力點點頭,就唔出聲繼續扮COOL鳥。

聽完一輪悶到pk既早宣之後,上課室。

由於冇安排位置,我又算OK高。我就是但坐左window旁邊既位。

我對呢間學校一開波冇咩歸屬感,始終唔係我想讀,所以一直都

處於一個唔係太開心既狀態。直至見到.....

我班主任

一入黎,佢自我介紹

班主任:大家好,我叫MISS CHAN。我會係呢度既班主任,加數學老師
    所以,大家有好多時間都會見到我架啦

我仔細打一打量Miss Chan。

好後生,一把長既曲髮,皮膚算白,樣貌清秀。令我有點眼前一亮。

佢講完之後,好明顯全班既男仔都有點哄動,都係讚緊呢位miss索呀盛。

班主任:因為迎新個日,我已經係同學之中揀左由邊個做班長,而家就請佢地
    兩位出黎自我介紹一下啦!

隨之而來既係一片掌聲。

3 則留言:

Coffee 說...

初戀總是最難忘的!
個個都係咁講:p

熱血宅男 說...

你的初戀依然難忘???

Coffee 說...

哈哈!我的初戀在中四,不過可能不算初戀,只是對方喜歡我而已,令我初明感情事,但我仍未喜歡人。