2011年12月30日星期五

我遇見了她 -32

終於同佢走到落銅鑼灣。都成1點30分。銅鑼灣好似平時星期六9點幾咁。依然人頭湧湧。同Christine好以行左二萬五千里長征咁。今次我同佢真係感到好累啦~我地同佢去左一度地方坐底坐左野。我立即幫佢叫左杯朱古力雪香。仲叫我同佢飲埋同一杯。佢話咁樣飲好飲D喎~
最後,到兩點幾,我同佢終於捨得搭地鐵返屋企。好彩搵左個位比佢坐。不過當時已經無乜人。我企係佢面前。佢累到整個人埃住左我。我同佢今晚真係好盡興既。佢搭車時累到訓著左,係佢訓緊覺時,收到阿文既來電。


我:<兄弟~Merry Chrismas!!>
阿文:<大佬~聖誕快樂呀!>
我:<多謝~係邊呀?>
阿文:<岩岩送完Maggie~返緊屋企。你呢?>
我:<哈哈~依家先返呀!Christine仲係我隔離訓著呀!>
(Christine比我嘈醒左,好似個細路女咁濛濛眼向上望住我,我輕輕掃一掃對住佢微笑)

阿文:<乜玩得咁盡呀~聽日記得喎…十二點半荃灣千色店面向青山道正面等。我地入小覽到燒野食呀!>
我:<幾多人去?>
阿文:<我地三pair!>
我:<咁好啦~>

收完線~我就打比阿威~

阿威:<(細細聲~)大佬Wind~聖誕快樂!>
我:<Merry Christmas~訓緊教呀?>
阿威:<係呀~Fanny訓緊呀~>
我:<哈哈~咁你唔好咁博命啦,聽日仲要燒野食呀!>
阿威:<死仔~玩野呀!>
我:<講下笑啫~聽日見啦~BYE BYE!>
阿威:<BYE ! BYE!>

聖誕節最開心就係你去祝福人,仲有收到別人既祝福!我想起阿靜,佢平時好早訓,所以就想Send個SMS 比佢。但send 比佢既時,我發覺自己有好多個Message。其中一個係Christine send 比我。

<我愛既Wind, 最開心既時刻,就係有你同我渡過每一分、每一秒。I Love You! 愛你的Christine^^>

睇完之後,我真係好想同返佢講:<Christine呀!我都係~I Love You Forever~ >
http://www.duanku.com/yinyue/nansheng/郑伊健/同一秒.wma

同一秒

仍心跳 仍偷笑 仍想要 依偎多半宵
就算 叫生命完掉 罷了
沒誰有這重要

同一秒 同歡笑 同行了 終可高聲叫囂
那在乎 歲月長或短
同步過 心已樂透了

從今起 我的一輩子 屬你
我 半生的福氣
人生所有快樂能 一起分享擁有
你令這生多富有

傻的笑 停不了 全憑你 使這生不渺小
那在乎 以後甜或酸
能伴你 不算白過了

人生所有快樂能 一氣分享擁有
有幸這生不獨奏


我送完佢返屋企,Christine應我既要求下就無打來比我。我返到屋企只係Send 返個SMS比佢。然後就帶著好開心既心情就訓。因為我大約八個鐘到會再次見返Christine。

到左12月25聖誕日當日。天氣真係唔錯。依一日我約左Christine係觀塘舊M記等。因為搭小巴去荃灣千色店比較就腳D去個邊。我約左Christine約十分鐘。就離遠見到佢係賽馬會診所度行上來。佢係度等緊過馬路時,我就Fing Fing條頸巾示意佢睇。話比佢知:<我帶住你送既野呀!! ^^> 佢離遠見到比返個笑我。當能夠過馬路時,佢好急不及待走過來我度。佢一步一步行埋來我度。


Christine:<Merry Christine~~有冇掛住我?>
我:<(UP頭) 掛死我。>
Christine:<咁乖~~咁就獎你拖我啦!>

我覺得佢同我拍拖後,整個人都開心左。當然我都係啦。好識得去回應我一D對答。因此我覺得好舒服同埋好甜蜜!我見到送比Chrsitine既聖誕禮物。其實我真係好開心,但係亦有少少擔心。我唔知道會唔會犯左女人既禁忌、撞衫、撞鞋、撞袋,今次係我地三兄弟玩到咁大,仲要特登就去撞聖誕禮物喎。

於是我拖住Christine去搭小巴,原來Christine同我講,以前住功樂道都知有度地方有咁多小巴搭。梗係啦,因為佢住既時間,應該仲未有咁多小巴。我同佢一去到,就可以上小巴,於是就係坐左小巴既後排。搭到去中段入去程祥道時。個司機開得架小巴仲左搖右搖。Christine突然仲同我開左個玩笑。

Christine:<你估會唔會好似飛機咁,一陣會唔會有個空姐比張紙我地寫抵D遺囑呀?>
我:<=.=”吓~咁你立咩野遺囑呀?>
Christine:<我諗我要SEND 定SMS 將銀行戶口密碼比阿爸、阿媽先。跟住就寫個遺囑叫阿爸阿媽Check SMS先。嘻嘻~咁你呢?^^>

我:<(眼向上望、然後望一望仍佢)我會係遺囑度寫要同你合葬、好唔好呀!>
Christine:<(UP頭) 嗯~~>

之後佢好甜就鍚左我一下! 其實我唔係氹佢,真係有依D不幸咁發生。我真係好想可以同佢葬埋一齊。 但當然如果上天可以比我選擇既話?當然我寧願係自己死便算啦,都唔想依D事臨到係Christine身上。Christine對於我越來越重要。雖然同佢拍左17日拖。但係段感情對我愛得好深。要去計算一段感情有幾深。真係唔係用識得幾耐。或者點樣去識、甚至乎點去開始。而係你同佢之間既投入程度有幾多?我真係好投入同Christine之間依段感情。
至於依一個有能力問頂澳門格蘭披治既司機。可以係25分鐘內由觀塘抵達荃灣千色店門口。我真係不得不寫個服字比佢。不過,成個人落車時真係有少少腳軟軟既感覺!平時我放工搭唔覺得係咩野一回事,而今日點解我會咁膽戰心驚呢?全因為今日你人生最寶貴既人係你身邊。所以,任何風吹草動同埋危險! 你都會份外打醒十二分既精神。


我同Chrsitine早左約二十分鐘,就係人頭湧湧既千色店第三層度行。唔講仲以為千色店今日唔洗錢任攞。D人多到不得了。想行入去D精品、或者去下層既運動用品睇下D風褸,都寸步難行。結果我同Christine做左D 屎繪野。我同佢就行到去一度地方~

我:<不如試下D湯好唔好飲囉?>
Christine:<好呀~如果好飲就買多幾包返屋企BO 囉。>
店員:<試下啦~(倒左D湯比我同佢) 包你話好飲!你BO比你男朋友飲啦。包佢鍚你多D呀!>
我:<阿姐,我飲唔飲都咁鍚佢。^^你小心熱呀? >
Christine:<嗯~ 都幾好飲喎?>

依一句出事,佢就比個店員捉左入去。佢望住我個樣好無奈。又唔好意思推塘。望住我既眼神同我講:快D救我呀?好彩依個時間有人打電話係阿文。

我:<喂~>
阿文:<我地到晒,你係邊?>
我:<係樓上,依家落緊來。>

收線~

我:<阿姐…唔好意思呀! 我地趕時間走呀!下次來開幫你買呀~>

我立即拖住Chrsitine急急腳咁走啦,畢竟我同Christine搵左人地著數,自然會有少少心虛。真係下次幫襯人先好走去做依D野事。始於我既工作地點都係依一區。被人唱就唔好。^^

我同Christine搭扶手電梯到下層。見到阿威、阿文兩pair係Pocket門口度傾緊計。我行近佢地時。第一眼睇下兩位夫人既身上有冇帶到條鍊。佢地三個都有帶。不過只得Christine把條鍊外露。所以我估計佢地三個未必有咁快發現。當阿威同阿文包括埋D夫人見到我地,就立即係度玩野。

阿威&阿文&兩位夫人:<大佬、大嫂。>
我:<=.=”>
(Christine 低頭怕醜咁偷笑。)

突然~

Maggie:<依~~乜你D男人咁無品架?>
阿文:<=.=”你D女人都好品啫~~>

點解阿文同Maggie會有咁反應既?

2011年12月29日星期四

我遇見了她-31

我:<搞掂啦~鍾唔鍾意呀?>Christine:<鍾意呀~多~謝~>
(佢閉起雙眼錫左我一下)

我:<Sorry~你男朋友整少少野都咁”輪””盡”>
Christine:<(令令頭)你下次買多幾條比我,咪可以熟能生巧囉。>
我:<=.=”你幾時變得咁貪得無厭架!>
Christine:<哈哈~你等等呀~>
(佢係我幫佢咩袋入面搵左D野出來,係一條頸巾同埋手襪~佢幫我攬住條頸巾~)Chiristine:<送比你架~Merry Christmas^^>
我:<多謝~>
Christine:<雖然唔係溫馨牌,遅D我會學架。今年咁凍,你攬住佢。我就可以比度溫暖你,你帶住手襪就好似我拖住你咁。>
我:<你幾時學得咁有心思架。多謝~>
Christine:<HEHE~我跟你學囉…>

我同佢就互相擁抱,就算身邊幾咁嘈。我都係只聽到佢內心既心跳聲。聞到佢秀髮既洗頭水味。仲有獨一無二既溫暖感覺。我覺得普天同慶既聖誕節入面。能夠同心愛既人一齊渡過。就已經係一份最大既聖誕禮物。就算你可以享受開心既氣氛,豐富既節目都好。依d只係一個節日既配菜。真正既主菜就係一切由心而發既真挈。而你又能夠可以接收到。就算你盡得世上一齊既寶物、財寶、名車。都要有人同你一齊去鑑賞先可以得到依一份既滿足。我諗依一刻除左要多謝Christine之外,還要多謝耶穌既降生。如果唔係佢,我就無依一個假期同佢去渡過。Thanks GOD!!
同Christine倒數完後,佢唔想返屋企住。因為整個人都充滿著興奮既心情。完全唔識得累。佢成晚都好似食錯藥咁。見到佢時不時嘻哈大笑。睇見佢我自己都係咁。Christine自從係分行掉職到總行後,工作令佢產生好多挫折感。佢係返左一星期工都好唔開心。係工作氣氛下,對佢來講係要時間去適應。不過佢向來對自己都有要求,好想可以快D上手。而佢每次放工見到我時,就會放低晒所有既工作。唔想令到我太過擔心佢。而我呢?工作上因為無左D客,令到自己係公司好似一個閒人咁。反而Christine仲安慰返我。我自己都幾無用。睇見個女朋友咁,自己都唔能夠去分擔佢既壓力。但係今晚我同佢真係將一切既事忘記得一乾二淨。做返一個享受自己生活既人。我同佢手拖手、十字緊扣行到去尖沙咀地鐵站。十分多人,仲因為咁我同佢最終要分手~因為D人逼到我拖唔到佢。我只有搭住佢前後腳咁行。佢突然令轉頭同我講:<不如我地係中環落車,然後行落銅鑼灣,好嘛?>我點會拒絕佢呢?咁開心。我知道佢平時放工都係急急腳咁走,就算中環既燈飾好靚都好,佢都係望一望,便算。

我地好快就到中環,一出地鐵見到好多人,街上既每一個人都帶著笑容。雖然一地鐵站上面。我同Christine感受到一陣陣既寒風。佢仲同我對望一望對方,然後講左句:<WOO~好凍呀!>,之後一齊發笑。雖然凍一凍,我同佢都唔覺得依一陣風係咩野回事。因為內心既暖意,再加上一條由Christine親自為你親手帶既頸巾。就算佢隻冰冰冷冷既手拖住左我,都足以令到我可以抵擋住今年寒冬。我地走到去匯豐銀行,望上大廈既頂層。除左燈飾、還有天空上既明月、仲有暗淡無光既星星。我搭住Christine。佢仲問左我一個問題?


Christine:<嘩~好高呀!依度你覺得高我幾個既我呀?>
我:<=.=”好難答喎~我諗有一萬個你啦!>
Christine:<嘻嘻~咁你知唔知道我愛你有幾高?>
我:<吓~唔知喎?>
Christine:<(佢鍚左我個咀一啖,望住我)係比天更高呀!>

我眼紅紅,因為聽完真係好感動!我當時一言不發。只係UP頭回應。如果今日問返我點回應佢,我一定會講:<我愛你同樣比海更深。>。我同佢沿住電車路去行。雖然係中環至金鐘既路係無人。但係我同Christine都係講過不停。令到寧靜既環境被我同佢既歡笑覆蓋住。好彩係寫字樓,唔係住宅區。唔係一定會比人話。

2011年12月27日星期二

我遇見了她 -30

到左聖誕節平安夜當日!依一日Christine 公司收三點,不過我就無得收早,仍然要收六點。Christine會返一返屋企先,本來佢話想等我放工,但係途程太遠。我叫左返屋企先。到我放工,我約左Christine係旺角地鐵站去尖沙咀車尾等。我心情好興奮!因為依兩年既平安夜,好多時我都要自己或者Joint人地去過。今年上天特別好似賞賜左個伴侶同我過咁。依一份心情真係令格外既興奮!尤其係大窩口地鐵站踏去旺角依一程時,我好緊張。因為依D時間,你想起你女朋友為你等別打扮既樣。我真係好想下一個站就係旺角。
我去到旺角站時,望左望右。唔見Chrisitine既踪影。因為太多人,我要行過好多人既位置。終於見到我女朋友Christine。佢今晚好特別,帶住左頂給紅色、有兩野係DUMP落來既帽。係遠處見到佢對我出現既時候,本來木口木面緊佢,突然間露出左個微笑比我。佢眼神流露出一份對我既期待。好似話比我聽有個你心愛既女人等緊你出現呀!佢既笑容令我產生一種流曖。令到本來平平無奇既旺角站。係依一個節日下,成為一個屬於我擁有既皇宮咁。我覺得自己係皇宮既主人。仲比我今日被我霸佔住咁。我一步一步行去Christine面前,Christine既眼晴一直無離我半步。每行一步、一步。越接近佢,我既笑容越來越燦爛!因為佢,我眼晴、面容、腦海同埋內心。本來係各自各運作。竟然因為Christine一個人令到佢地全部連成埋一線咁。我無法去掩飾內心對Christine既感覺。當走到佢最後一步時,連我既隻手都無法控制。我攬住左佢、同佢互鍚左一啖。

我:<聖誕快樂!>
Christine:<都未到!>
我:<死啦~太掛住你我乜都唔記得晒呀!^^>
Christine:<(笑)嗯~算你啦!>
我:<你今日好靚呀!>
(佢低頭微笑,突然係身後攞左一頂聖誕帽。仲有個膠波波係個聖誕帽尾閃下閃下。)Christine:<嗱~帶住佢呀!>
我:<=.=”咁大個人仲要帶呀!>
Christine:<乖啦~應節嘛!>
我:< >.<”咁我新年要唔要扮財神呀!>
(Christine望左外面一下。之後鍚左我個面一下)
Christine:<我鍾意你帶呀!你帶啦^^>
我:<嗯~>
佢就算唔鍚我一啖,我都會咁做。不過佢鍚左我更加甘心命抵去做^^。

Christine:<行啦~>
我:<未得住呀!我要等一等個人比D野佢?>
Christine:<等人?>
我:<係呀!>

我要等既人係阿靜,因為自從我同佢相識之後,每一年都會送一份聖誕禮物比佢。係Christine內心,其實係有少少忌阿靜。因為,我唔能夠成為佢既第一個係條街到識既第一個人。對佢來講係有少少唔舒服!有問過阿靜依個問題,阿靜話女人係好似小朋友,自己既男朋友就好似小學生既老師咁!乜都好想係老師面前認第一。好想老師永遠記得自己。依一個比喻。聽起來真係好特別。我兩位兄弟成日覺得好了解女人諗乜?其實係錯。真正了解女人諗乜既,係女人自己本身。只不過,我身邊既阿靜可以將佢地內心世界去解釋我聽。而唔係我本身對佢既了解。依一點我成日覺得自己好幸運!阿靜住係油麻地,佢亦只係從我口中得知Christine。佢一落車,就見到我同Christine。

我:<今晚有冇節目呀?>
阿靜:<同媽咪過囉。>
(阿靜既爸爸亦係兩年前過左身,家中只係得佢同媽咪。)
我:<你真係一個百分百既孝順女。^_^>
阿靜:<哈~你仲未介紹你女朋友我識喎。>
(Christine竟然有少少面紅)
我:<依一位就係我女朋友Christine。>
Chrirstine:<Hello~阿靜~>
阿靜:<(佢望一望我)阿Wind~你真係有眼光喎!Christine~肯同你一齊。你真係執到呀!呵~>
我:< >.< 朋友~唔好我女朋友面柴我台喎~男人要面架!>
阿靜:<哈哈~果然拍左拖唔同左呀!(遞左份禮物)嗱~送比你呀~Merry Christmas!>
我:<多謝~(將禮物放入袋,然後攞返買比阿靜既禮物)我都祝你Merry Christmas!>
阿靜:<多謝~唔阻你地啦!今日我係旺角出閘啦~走先!>
Christine&我:<BYE !BYE!>

我同Christine等車出尖沙咀。佢突然間問左我一個題?

Christine:<其實阿靜都幾好呀!人又溫順,又好人。點解你唔追佢呢?>
我:<哈哈~我覺得依一個係一個好問題!雖然我同阿靜相識得好特別,但係係我內心入面只係覺得同佢只係好好既朋友,我真係無個種想同佢係埋一齊既Feel。反而,你就唔同,由第一次遮你。係對你念念不忘咁。想成日見你,但係又見唔返。就算係街度見到好靚既女仔都好。我好快就忘記得一乾二淨。而你就算見唔返你果段時間,你既樣時不時都會係我面前突然出現。我諗依d咪就係緣份囉。真係好神奇。你係我遇過既唯一一個一見鍾情既人。>

Christine每次聽返都會好留心,聽我講完依個結尾。佢好多時都會埃係我心口到。之前我曾經問過佢,點解會咁做?佢話好想聽下自己愛既男人為自己心跳既聲音。

今晚,我同Christine只係食M記。因為度度都好多人。食完我地就走去廣東道,Christine好鍾意依一度既氣氛。佢話年年都投票來。不過每次都比Jenny同阿琼拒絶左。我當然好想去滿足女朋友依個願望啦。今年香港人好開心,個個都帶著笑容。
還記得沙士之後,最開心既時刻就係皇馬訪港。但係聖誕節仍然死氣沉沉。但係今年既每一個人都可能放低左依一個回憶咁。我諗或者係我因為今年同Christine拍拖,睇既野係特別靚。

我同Christine係九點度開始等,等到十一點四十五分。越接近聖誕節心情興奮!我地背住文化中心,佢同我雖然企得都好累。但時不時佢都會回望我,同我講:<好緊張呀>,我望一望佢時都會用雙手捽一捽佢磈面。然後從後面都會鍚佢一啖。

當倒數:10,9,8,7,6,5,4,3,2,1~煙花隨即射起。天上既花紙從天而降,全場氣氛起起哄哄。我同Christine立即係擁抱,然後再擁吻一下。我係衫袋度攞出聖誕禮物。打開左個手飾盒。佢見到,望左一望。然後眼紅紅望住我。

我:<Merry Christmas~>
Christine:<Merry Christmas>
我:<你令轉面先…我幫你帶起佢啦。>
Chrsitine:<嗯~>

2011年12月26日星期一

我遇見了她-29

大約過左四日,阿文打來。當我返緊工!

我:<喂呀!>
阿文:<大佬~>

我:<你無野做呀?>
阿文:<係呀~點知架。>
我:<你”咭"係條尾都知你諗乜啦!>
阿文:<打來我地有d事。今晚得唔得閒呀?>
我:<得呀!仲乜呀?>
阿文:<我同二佬威想買聖誕禮物。唔知買乜?想搵你你一齊出來買囉。費事比你靠害啦!>
我:< =.=哦~”>

於是晚上就同左佢地左來食飯,跟住買野。點解我會可以陪度佢地呢?因為Christine今晚要同屋企人食飯。佢外婆同埋佢媽咪個邊D親戚要提少少做冬。好彩有人陪。唯恐我地25號出來玩時,講起聖誕禮物時會有擊突。亦唔想再一次上演另一次既靠害,於是我地想出一條橋。三個人不如買埋同一樣。包保會有靠害之嫌。我地三兄弟投票定買乜。最後都係買鑽石頸鍊。再加一樣野,但價錢由我來決定。因為我既收入只係佢地既三份一至五分一不等。每次出親來食野,我既原則除左各人既特別日子。其他時間一定要AA。雖然我搵夠佢地多,但係亦唔鍾意欠人地。或者因為依個原因要人請。我依兩位兄弟好明白我既作風。所以,我地能夠可以感情咁好,就係因為我地分得好清。唔會混淆。尤其係我唔會打佢地工、或者合資做一D生意。依一點Christine都好明白。所以,佢唔會叫我買基金投資!因為我真係會怕因為錢而失去左好多野。結果我係M記手飾店到買左同一條鍊。仲有同一樣野。仲諗定廿五當日當大家女朋友見到時點講。^^

到度距離聖誕節前既一個星期一。Christine要去中環返工,依一日係佢第一日掉職。當日我靜靜地補假。因為公司一D制度下我可以補償返。一個月約一日。其實我係旺角同佢等車時,一早已經記得,已經計劃會係依一日攞假。我大約七點出門口啦。因為我怕Christine會早出門口。所以我特別早。仲要搭的士去。其實有少少肉赤。除非特別時候。否則真係好少用的士作為我既交通工具。

當日早上真係好凍。北風吹入來我真係唔知點去形容。但係自己女朋友第一日返工,亦知佢琴晚緊張到訓唔度。我真係好想陪佢。不過,係出門口既途中。老豆問我最近係唔係拍拖。我同佢直接承認左。我感到佢好開心。仲叫我帶Christine比佢見!或者,我已經開始達到適婚年齡掛。佢地好想我快D成家立室啦。去到Christine樓下。等到約7點40分度啦。佢就打來搵。我同佢拍拖後,佢一出門口都會比個電話我。我地都會傾一陣。

我:<喂~>
Christine:<依~你咁早出門口既。>
我:<係呀~想今日早D返工嘛?加下我有左女朋友。點都要勤力D加升職加薪既。>
Christine:<哈哈~咁你要進修先得喎。>
我:<=.=”我成世仔最怕讀書。遲D先啦。>
Christine:<唔得咁架~(佢見到我)~>.<”依~咁鬼馬架!>
我:<女朋友第一日返新工作環境!男朋友點可以唔帶路呀!>

佢開心度立即拖住我隻手,可能日光日白。加上佢返工係要著行政人員既套裝。又要顧及自己既形象!如果唔係佢應該會開心度攬住我。哈~男人總係想自己女朋友多D熱情比自己。係戀愛時既我就係一個咁既人。Christine亦無諗過我比左依個驚佢。我依一個既行動Christine係表達左一個意思:就係與佢同行!Christine內心既擔心,因為我既出現亦令到佢緩和左。我同佢去搭地鐵。由藍田搭到去中環。我知道會係屋企食早餐既習慣。但係佢一擔心就會食好少野。而佢好鍾意飲菓汁先生。所以,我一早有預備,我估到佢今日應該食左少少。飲杯水就出門口。於是我行行下就比左支野,我怕佢如果乜都無食,所以仲偷偷地預備個蛋糕比佢。

Chrsitine:<唉~我緊張到乜都無食呀?>
我:<哈~我拖住你隻手時,聽到你個餓係度打鼓。我開比你飲啦。>
Christine:<唔知點解一見到你,我仲有少少肚餓。>
我:<^^整定我地係埋一齊,我怕你真係乜都無食,仲買埋比蛋糕比你食添。>
佢今次開心度成個人COOL住我埃晒過來。^^ 正呀!你見到女朋友依一個表現。比到一份對你肯定時。依一種滿足感。係會叫你忘記自己既辛苦!其實今朝早我五點四十五就起左身。沖涼、洗頭。然後落完街買野完、再返屋企先至出門口。我當然無話佢知道啦。如果唔係佢會覺得好內疚。我同佢企埋左一邊食完野先入閘。我知道當架車每去一個站。Christine就會越緊張。畢竟係總行工作壓力一定會太過分行好多。我成日都會輕輕摸佢個頭。我成日同佢:放鬆D唔洗咁緊張。Christine都會點點頭。去到中環。我同佢手拖手就落左車。去度接近佢公司附近。

我:<我唔陪你行過去,會影響到你唔係咁好。>

Christine:<嗯~咁你一陣去邊呀!>
我:<返一返屋企先。夜晚來接你放工食飯好唔好呀?>
Christine:<^^好呀!>
我:<你比心機D呀!我女朋友一定得。>
Chrsitine:<嗯~>

我係佢走左約五分鐘,Send左個SMS比佢:
<唔洗怕呀!大不了我用埋成份儲蓄來養你。>

佢又好快回應我:
< >.< 我要自力更新,唔靠男人養!>

Christine最吸引我其中一個地方就係依一份內裡既決心。佢係我面前係一個小鳥依人。但係當佢要做一D野時,就會完全變成另一個人。其實我對佢既以前既佢係做野方面,完全唔了解。當然今日係會以前多左了解既。但係坦白講仍然都係外行人。我返工屋企,等到約四點半再出接去放工。大約去度五點十五分到左。Christine打比我話要開會,六點半先走得。於是我就係中環鬧市到行啦。我有冇睇女仔?哈~從來唔會唔會睇。結我等到七點鐘。先見到佢~

Christine:<唔好意思呀?要你等咁耐。>我:<(拍拍頭)做野要緊,等下有乜所謂,中環咁靚~^^)
Christine:<(佢知我背後既意思) >.< 咁藍田靚唔靚。)
我:<藍田既Chrsitine係全球最靚。>
Christine:<依~你後面個女仔都好靚下喎。>
我:<係呀係呀~你未來時我昅左好耐,不過你來到我覺得你靚佢好多。>
Christine:<又口花~(佢吱我)>
我:<唔好呀~我怕痕呀!>
Christine:<問你下次仲敢唔敢~)
我:<(隻手蚊耳仔)唔敢啦>
Christine:<好累呀!>
我:<比個袋我啦~>
Christine:<嗯~>

我同佢返左藍田度食,去左一間食西餐廳。食完之後,就手拖手漫步返屋企。係去到屋企附近,仲竟然見到佢既父母!

Christine:<咁岩既~)
Christine 爸爸:<^_^ 係呀~同你媽咪出來買D野。依個係~>
我:<細伯~我叫阿Wind ^_^>
Christine爸爸:<(點點頭)上來坐下啦。>
我:<今日唔好啦~都夜囉。唔想打搞你地啦!下次早少少一定上來探你地啦!Christine你不如上去先啦。我返屋企打比你。>
Christine:<好啦~我都好累!>

估唔到第一次見Chrsitine既屋企係咁情形之下見。當然佢爸爸就比較唔係太喜歡我。因為佢覺得我同Christine係條街識,一個月後就跟住拍拖。加上我既外型、學歷、職業同人工方面!唔係幾合乎佢心意。所以,Christine同我一齊都要承擔依一D既問題。

2011年12月24日星期六

我遇見了她-28

我地十點半度完。我地就各自各散。本來打算同阿威、Fanny 一齊走。因為Fanny住係Christine附近。但我有D野要買。於是,同Christine去左睇下文具鋪收左未。希望未啦~因為通常都會好早收! 但係聖誕節期間可能會收鋪時間會延長。結果真係去到真係未收鋪。於是我就同佢入左鋪頭。

Christine:<你搵咩野呀?>
我:<^^ UM~一陣話你知呀!>
Christine:<咁神秘@_@?>

我上度買美術用品既地方,搵左一陣終於搵到啦。然後買左個樽。Christine好懷疑咁望住我。

Christine:<你買來做乜呀?>
我:<搭巴士時話你知^^>

Christine唔同Fanny、Maggie依D類型既女仔。好多時大多數女朋友係會追問。但佢真係唔多會咁做。
我拖住佢去搭巴士,去到巴士站等。

我:<係喎~點解你今日無啦啦同D同事出來食飯?你地好少依D活動喎。>
Christine:<HEHE(佢指一指我個頭)~乜你咁無記性架。我月中掉去投資部。大家約唔度時間食飯,咪約今晚囉。係farewell我。>
我:<Sorry呀! 我會記住架啦。>
Christine:<唉~我都好擔心自己做唔到。我真係懶散左好多。>
我:<^^我女朋友咁叻,我覺得有壓力自然會迫到出來。>
Christine:<聽過個邊D人好現實,無理人架。我咁新,都唔知點算。>
我:<Christine~無啦啦落雨無遮,都會有人遮你。仲成為你男朋友添。放心~出路遇貴人,我會陪你一齊過。>
Christine:<(笑)嗯~>

巴士來到,我地上車到左上層。然後佢就急不及待係度問。

Christine:<WindWind呀(我聽到好冧)~你快D講我聽呀!>
我:<OKOK~你幫一幫我手先。>
Christine:<哦~>我:<你打開個樽蓋先!>
Christine:<打開左…>

我依個時間就寫緊張紙,內容係:Christine、Jenny、阿琼可以再次成為好朋友、好姊妹!Christine見到有開始眼濕濕。然後我就將張紙放左入個樽。然後,我就摺左一粒幸運星。放左一粒係個樽入面。

我:<以後,我每一日會摺一粒星,見到你面時就比你啦。我相信當D星星遮晒D將紙時,就係接近願望成真之時。我相信一個人有心,好多時都會願望成真。>
Christine:<Wind~嗯>

佢叫我側身埃佢個邊,然後就攬住我,佢既眼淚沾光左我既面,佢係我耳邊講:<我真係有一個好好既男朋友!>
我聽到內心真係好溫暖!最溫暖既係~當你愛既人認同你為佢既付出。認同你對佢既關心重視。 

2011年12月23日星期五

我遇見了她-27

Fanny:<嘩~好浪漫呀!>Maggie:<(望住阿文)點解你拍拖第一日唔會咁對我呀?我加下要補返隻介子,仲要有石。>
阿文:<=.=”大佬~我諗你下次講依D野時,真係唔可以係D夫人面前講啦。>
(阿威立即用筷子套卷起一個圈)
阿威:<嗱…咪話我唔重視你呀!起碼都立即為你做左D野啦。冧唔冧先?>
Fanny:<(甜笑)我男朋友真係好既啫…>
Maggie:<你睇下人地啦~起碼都要立即補返呀!>
我&阿威:<kakaka~>
我:<威呀!一個男人對一個女人既誠意真係要表示先得架。>
阿威:<大佬~我真係唔係好明喎,不如你教下細佬我呢?>
我:<聽過街口間周生生今日D鑽介好靚,雖然要成三萬蚊隻。但係女人真係好睇男人有幾多誠意價喎。>
阿威:<誠意價依D野真係要落下本先至得,阿文你識做啦。Fanny,雖然你係目中唔係第一、而我心目中係唯一呀!>
我:<=.=”你條友家下槍頭對邊個呀!>

電話響~~
我:<喂~>
Christine:<係邊度呀?>
(我望一望錶成9點15分,唔怪得打來啦^^)
我:<唉~女朋友唔得閒陪!阿威、阿文帶我去夜總會,仲有兩位叫Fanny同Maggie小姐陪緊佢地囉。>
Christine:<咁我要來掃黃先得。>
我:<哈哈~我係旺角麻布茶坊。你來唔來呀?>
Christine :<好喎~我想甜品。>
我:<你等等先呀~兄弟,走未呀?>
阿威:<可以未既?乜事~>
我:<Christine來。如果你走,我就同佢食埋甜品。>
阿文:<唔得~點都要見阿嫂。>
我:<咁我叫佢上來喎!>
佢地全部人:<好呀!>
大約過左唔夠30分鐘。收到Christine打來既電話。

Christine:<我到左旺角啦!>

我:<咁我過來接你啦~>
Christine:<唔洗啦~你同佢地傾下計啦,我上來搵你咪得囉。>
我:<嗯~好啦。>
收左線之後。阿威、阿文同埋佢D女朋友好雀躍。因為佢地由7月聽到12月都只係從我口中講及Christine既事蹟。加上我講比佢聽外貌唔差,更加令佢地產生左一種既期待。同埋始終大家都係一齊經歷依件事。所以心情特別興奮。

阿威:<大佬~ 估唔到今年我地三兄弟前後一齊拍拖呀! 今年25號真係要諗諗活動好喎。>
我:<係喎~ 都好喎! >
阿文:<係喎~唔講唔記得添。仲有兩個星期就聖誕節!>
我:< 都好喎~ 以往都係我地三個人多,今年約埋一齊都好喎。夠熱鬧!Maggie , Fanny介唔介意一齊玩?>
Maggie:<梗係好啦~>
Fanny:<係呀~ 多人D好玩D!>
我:<咁呀~24號我地就二人世界、25號就搵達地方一齊玩啦。>

過左一陣~有個女仔行近埋來我地枱。係Chrsitine, 我地三兄弟如果5個人食飯。佢地會同我一齊坐埋一邊。唔想冷落我。而通常佢地D女朋友係佢地對面。

Christine:<唔好意思呀! 要你地等咁耐。>
阿文:<唔耐~~等大嫂係我地做細要做既。>
阿威:(等我叫D待應針水比大嫂~)

Christine顯然有D唔自然,但係睇得出佢MeiMei咀笑既樣。我感受到佢都好開心。
Fanny:<你唔好嚇親人啦!>Maggie:<Christine、你慢慢啦! 你地又係既~第一次見人把口嚇親人呀!>
阿威:<話左你啦阿文~Maggie講真係好有道理架。>
阿文:<=.=” 哦~我唔岩。唔好意思呀!>
阿威:<Maggie~佢認錯啦~唔好話佢啦!>
Chrsitine:<唔會~我聽阿Wind講。已經覺得你地好好人、仲好搞笑。今日見完我都覺呀!>

跟住阿文同阿威咬耳仔~講完叫我遞隻耳埋來~

阿威:<大佬~唔得怪搞到你神暈顛倒啦!我同阿文都係呀!>
我:<咁即係咩野意思呀!>
阿威:<女神依個字真係襯囉。大佬你果然係光宗耀祖。>
我:<=.=>
Christine :<你地講咩野呀?>
Fanny:<快d 講出來呀!>
Maggie:<阿文~ 快D講呀!>
阿文:<吓~你問阿威啦~>
阿威:<我乜都同大佬講晒架!有咩野~你地問佢啦!>
(依D真係兄弟呀!佢係枱入面蚊左我一蚊~暗示叫我唔好亂講野執生啦~)
我:<阿文、阿威同我講左一件令我好難以罝信既事~佢問我周生生有冇八折咭。想聖誕節個日萬隻好閃既鑽介比佢女朋友喎。佢地有兩位咁好既女朋友,鑽石先能夠代表對你地恆久不變既。我諗三萬以上先能夠代表到。>
阿威&阿文:<(望住我)~你加下靠害呀!>
我:<你唔係同我講金錢唔係你心目中既第一、而係唯一呀!好彩我對Christine唔係咁既啫(我捉住佢隻手)>
(哈哈~其實我有少少報復阿威同阿文!估唔到佢比左個好好既機會我^^)
Fanny:<乜錢比我更加重要咩~>
Maggie:<阿文~~你係唔係要錢唔要我呀>
阿威:<(望住我)金錢唔係最重要,梗係你最重要啦~不過我地要計劃將來。鑽介依D野一定會送比你啦!>
Fanny:<幾時呀!>
阿威:<遲D先啦~>
Maggie:<你仲乜唔答呀!>
(其實我同阿威係側邊度猛咁偷笑)
阿文:<UM~~ (唱歌) 唯獨你一個是不可給取締、下半生準我留住你~一直相愛。>
Maggie:<好浪漫呀! 係咁多人面前唱歌我聽喎(有少少曬幸福)>

當然我同阿威都啤左一聲啦! 諗住佢死硬,又比佢一句歌詞搞掂。仲打算幸災樂禍。依D就係我地三兄弟既溝通方式。今晚佢地四個人不停問Chrsitine同我之間既野。佢地亦猛咁幫我講說話,尤其係講到我對Christine所做既野。Christine會望一望我一眼,然後報以一個甜絲既笑容。當Maggie講返廿四味既事,佢更加分外既留心。佢又講返我點送。佢地D女朋友聽完話我好有心思。不過今次我D兄弟報以一個唔妥我既眼神~我覺得佢地話:靠害咩。

2011年12月21日星期三

我遇見了她 -26

<從來並無自信,人云亦云,庸庸碌碌半生,連自己的戀愛運,也欠一點決心。>好能夠代表到我未拍拖時既感受既感受同埋經驗。當係送完Christine返屋企,獨個兒搭的士返屋企。我就通常會聽MP3,聽到依首歌時。真係好鬼到題。加上副歌部份:<相戀要是有天命,都要等你來確認。> 更加能配合到今晚既事。真係好同意。我回味起同佢開始既片段時電話就響起:

Christine:<你去度邊呀?>
我:<上左的士,返緊去啦。>
Christine:<好累呀?今日真係去左好多地方呀^^!>
我:<咁你快D訓啦。我返到屋企SMS你啦。>
Christine:<唔得呀! 我好掛住你訓唔到呀!加上我個好既男朋友送我返屋企喎。我都要陪佢返屋企。^^>
(依句話我真係好甜~)
我:<死啦…乜我女朋友咁痴身架?以後我咪唔可以出去同阿威、阿文鬼混。>
Christine:<你試下啦~ 我唔會放過你架~>
我:<傻妹~ 講笑啫。我有個咁叻、咁靚既女朋友。仲洗要其他既咩。>
Christine:<咁第二時又唔叻、又唔靚。你咪搵過第二個?>
我:<=.=”除非個女仔係失明既啫。如果唔係都好難。>
Chrsitine:<咁即係話我失明既啫。>
我:<救命呀~我投降……原來我女朋友把口勁喎。>
Chrsitine:<HEHE~ 咁你要唔要退貨呀?>
我:<唔會…因為有你我已經好足夠。知嘛?>
Christine:<嗯~~你成日都對D女仔口花花架。>
我:<(令令頭) 唔係…我只係對住女朋友先會特別口花花,因為我好想佢開心。>
Christine:<Wind~ 同你一齊我真係好開心。>
我:<Christiner呀! 我地以後都要好似今晚咁一樣開開心心。>

佢陪到我返屋企先肯訓,自同Christine重遇後,我地每一個星期週未都兩三點返屋企。雖然夜左少少,但係開心係唔會叫人累。我臨訓前SEND左個SMS 比兩個兄弟:<我拍拖啦…^^>。到第二朝約十一點收到電話。


我:<喂~>
Christine:<醒未呀?>
我:<未呀~我唔想醒呀!>
Christine:<我係唔係嘈住你呀?>
我:<係呀~你阻住左我發夢同Christine拍拖呀!搞醒左我同女神既美夢呀!>
Chrstine:<=.=” 咁……你繼續發夢。女神家下要同屋企人飲茶。唔記同你講今晚成班同事出來食飯呀!你要照顧自己啦。>
我:<你飲完茶搵我啦^^>

收線後……今次就輪到依兩位仁兄。
我:<點呀!>
阿威:<大佬Wind~有D料度喎!一個月度搞掂!>
阿文:<光宗耀祖啦~做你兄弟真係可以滔到你光!>
我:<=.=” 乜咁早呀!>
阿威:<你細佬呀~我今日同Fanny day! 點可以唔早d起身呀!>
阿文:<我都係喎~出緊去!立即搵阿二佬威討論你既豐功偉績啦!>
我:<咁我依d野就唔需要留名青史既。>
阿威:<傻啦…大佬你將一顆寂寞的心據為己有。>
阿文:<哈哈哈~簡直係禽獸行為,乘人之危。我諗歷史係會給你一個公道既判決!>
我:<你地記唔記得歷史有劉備、關羽、張飛,係桃園結義。經過今日我地三兄會上演一幕:桃園結怨呀!>
阿威:<大佬發爛渣喎!>
阿文:<你又唔岩啦,咁講大佬,我無好似佢咁架。>
阿威:<今晚有冇野做?約埋大嫂出來同我地食飯啦。>
阿文:<都好喎~>
我:<我諗佢唔出,因為今晚約左人。我照出來同你地食啦。>

都唔知好嬲定好笑。但係我地真係咁溝通既。拍拖真係令人好開心既事來既。雖然我身邊只係少數人知道Christine依個人既存在。但係知道既人我都好想同佢地宣佈依件事既。或者,因為身邊既兄弟、朋友都知道我感情比較空白。所以當知道依件事發生左佢地會好開心。我起完身,就出去搵Christine。陪佢去德福行一陣。等佢唔可以唔洗返一返屋企,之後再出去。佢同度得德福二期扶手電梯好多聖誕節既裝飾!成個細佬女咁指來指去。睇見佢咁既表現。自己都笑埋一份。我地去左宜家度。不停係度逐張逐張沙化係度試。我坐佢身旁,我攤直左隻手。佢埃落來我度。望住佢天花版。我地仲同一時間講:<好舒服呀!>然後對望係度笑。因為我地好似心靈相通咁。大家對望下。我地錫左對方一下。坐度約六點四十分度,就一齊坐地鐵。我今次去旺角,終於唔洗入沙田。而Christine去尖沙咀。架車去到旺角。Christine同我一齊落車。我就目送佢上左架車度,然後就同佢揮手BYE~BYE! 唔知點解好唔捨得佢。好想每一分秒都可以見到佢。我諗熱戀男女好多時都會咁。同阿威、阿文兩Pair行左陣街。就去左麻布茶坊。不過等左好耐先有位。坐底坐野,當然要交代成件事既經過啦。我當然一字不漏講晒佢地知啦。

2011年12月20日星期二

我遇見了她 -25

依一晚,我同Christine就手拖手,係銅鑼灣搵左度地方去野,我地去左和民。第一次用男朋友既身份同佢一齊共進晚餐。記得同佢搵我玩個遊戲~如果邊個差輸包剪DUP,就要餵對方食野。不過佢要輸二次先餵。而我就要輸一次先餵。雖然我同佢坐既坐比較高,我覺得依D都算係情侶位。同埋望唔到側D人。行過既人都會望我同佢會笑一笑。或者覺得我同佢咁大個人仲玩埋D細佬仔野啦。我無理會度佢地點睇,只係同Christine沉醉係依個二人世界入面。食晒D野後,我塊面可能抺得唔乾淨~Christine就係佢飲既杯綠茶入面,倒左少少係張紙巾度。叫我遞磈面比佢,佢想幫我抺走D烏糟左既地方。好耐都未試過會有人幫我咁做。依一個簡單既動作,令到我好似一個全世界最幸福既男人。因為你眼前既人,依家係你心目中係唯一最愛既人,佢每為你全心全意做既每一個行動!係令到有一種莫名其妙既開心、甜蜜!佢幫我抺既時間,我既咀成日Mei Mei咁笑~ Christine問:你仲乜成日笑呀?我無答到佢,因為係我個心唔識講野。係佢笑左出,但係反應左係個面上面。我諗依D係唔係就係所謂既:由個心甜到出來?
我同佢步行到灣仔,手拖手時~送比佢既拍拖禮物時間時都會輕輕咁掂下掂下我。好似拍緊我內心度門咁,兄弟:做左人地男朋友喎?要好好珍惜人呀!Christine既手信。再配合依條手鏈。好似一個對自己既提醒,承諾同埋責任。一個不離不棄既承諾加一個男朋友今後要保護、關心、扶持佢既責任。我覺得唔再係一個大細佬。而要成為一個要佢可以依靠既男人。我同佢去到金紫京廣場,望向尖沙咀海旁。Christine企係我前面,我係佢身後攬住佢,海風將佢既頭髮打係我既面上。所以,我就埃係佢既膊頭上。突然佢話:好凍呀~好凍呀~。
我將件既拉開左拉鍊。然後包住佢!我好想用自己既體溫阻隔依個世界既既冰冷。讓佢感受到溫暖!Christine比我包住左。我覺得好彩我同佢生得瘦!如果唔係一定做唔到。唔知點解?當我將佢拉入我件衫入面,我都覺得好溫暖,可能我打開左自己既心窗咁。讓到Christine進入左來。亦同樣將我冰冷既內心,也漸漸變成好溫暖!


Christine依一晚,好似一個細路女,好想搭叮叮,然後搭船去尖沙咀去睇燈飾。雖然自己有少少累,相信佢都會係。畢竟今日佢都要返工。因為甜蜜開心既心情,令到我同佢都唔知咩野叫累。我同佢依一晚,都會好想好想停留住,唔想時間過得好快。係尖沙咀到行,燈飾下照係佢開心既面容,我覺得份外吸引。真係好多謝上天給依一個女朋友。我定眼望左佢一秒。當時佢指上大廈上既燈飾。依一種笑容!就好似一個表示,就係Christine不再孤獨、不再悲衰。就算有我都會同陪佢過。突然間佢望返我。

Christine:<仲乜野呀?>
我:<我係度諗?其實我同你係現實生活係兩個人?無論家底、學歷、能力、外貌都差好遠。但係你都肯去揀我做你男朋友。>
Christine:<Wind~我好知道自己要乜?亦好知道自己想掂!我依家想話你知:依家我既最愛既人就係你。(佢令令我個鼻~),知唔知呀~傻瓜。>
我:(UP 頭)<我以後唔再亂諗野!唔係就會令到我女朋友唔開心架啦!>

我同佢一路行、一路走沿著海旁、走到去尖東。Christine同我講,好掛住Jenny、阿琼。好想將我同佢既經歷講比佢地聽。我內心真係好想為佢完成依一個願望。不過真係好難。我同佢都行度好累。於是就去踏巴士返屋企。係巴士上好多人。只係得佢有位坐。我係下層企左佢則邊,佢就埃住左我訓。我右手扶住扶手,左手輕輕掃佢既秀髮。佢醒到藍田地鐵站先至醒左。我同佢一齊手拖手行返佢屋企,今日我係佢男朋友,所以,就送佢上到屋企門口。同佢吻別後。我就返屋企。我同Christine既第一次拍拖既經歷,就係依個吻別後正式完成整日活動。

2011年12月19日星期一

我遇見了她 -24

因為,係我生命中,等一個識得最特別既人,並唔係Christine。2003 年約四月,我獨自一個人去完鴨療街,然後打算踏地鐵返觀塘。係地鐵站既月台度。
我係度等車。大約係我身後約三至四個人身位到。我見到一個人淚流滿面。佢好想去搵紙巾,

可惜無。於是我就係個袋到搵左包紙巾。然後遞比佢。

我:<你成包攞去用啦。>
她:<(淚流~) 唔~該~。>

於是我就比左佢就走左。

事隔約八個月,我就係荃灣踏地鐵去尖沙咀時。當時架車就去到深水步。我仲係埃住係個門附近睇緊雜誌。突然間有個人行埋來我度。

她:<你認唔認得我?>
我:(令令頭)
她:<你上次係深水步比個包紙巾我呢?>
我:<哦……記得呀!唔好意思呀~你好似包住個面我睇唔到。(當時好多人帶口罩,但我無^^)>
她:<所以,我咪認得你囉。上次真係唔該你呀!>

依一個人就係阿靜,阿靜算我人生第一個咁既情況下識既人。係地鐵上我地就交換電話。我同阿靜相識係好特別,但係我對佢只係有一種特別既朋友既感覺。而對Christine恰好相反。原來當日,因為佢收到電話打來話同佢青梅竹馬既未婚夫因沙士去世。所以,當時淚流不停。佢既人生中要經歷依D事,真係唔容易,所以,佢係一個好堅強,人生經歷豐富既人。我真係好佩服阿靜。年紀雖然大我少少。但係思想比我成熟得得。每當我遇到問題既大小事。雖然有阿威同阿文。但係阿靜一定係我最好既傾聽對象。
因為佢除左係我既知己之餘,仲要係我人生既百科全書。
Christine聽完有少少唔開心,我諗每一個女人都好想自己既男朋友可以成為佢心目中既第一。所以,我停低左,行係佢面前。望任佢,然後捉住佢一雙手。同佢講:

我:< font>今日起,你未必係我心中既第一,而係我心中既唯一。>

Christine 聽完就立即鬆開左手攬住我,猛咁係度流淚。無出過聲~~我將佢推係我面,用雙手幫佢抺眼淚。Christine UP 頭。我同佢對望完一陣,就鍚左佢一啖。係我第一次鍚佢。Christine可能心目中,被忽略既時間真係好耐,我諗一下子無左男朋友,又無晒朋友既心情的確令佢產生左一種被人遺棄、遺忘既感覺。任何人都會好怕自己係依個世上既透明人。今天,佢可能係我既身上感受到我對佢既重視,同埋對佢認真。坦白講:我真係對佢好認真。從來無諗會放棄佢。就算同佢拍一日拖。就算佢要走。我都唔會後悔同佢開始。我真係好愛佢。

同Christine 一路行到銅鑼灣既鬧市。我叫佢係某一商場度停一停。因為我同Christine講我要去厠所。Christine就係度等,不過等左好耐。結果我十五分鐘後就返來。

Christine:<你去左邊呀~無野吖嘛?>
我:<無野,不過沖水時,差D比水沖走囉。>
Christine:<吓~ 咁慘呀~咁你有冇帶定水泡^^)
我:<無呀~你會跳落來救我嘛~>
Christine :<我先唔會呀~D 水咁臭呀!>
我:<^^ 咁你男朋友從此就消失於厠所啦~~)
Christine:<無尼正經…成日都係咁! 你第時唔準對住第二個女仔口花花,我唔會放過你。>
我:<嗯~乜我有能力搵第二個咩!>
Christine:<唔理你~唔理你呀!>
我:<咁好啦~~為左令到我要有信心去為你做,我要D鼓勵先得喎!(我指住自己塊面)>
Christine :<=.=”乜你咁無籟架…>
我:<(正經)Christine~~雖然我係一個好容易放棄,無乜恆心既人。不過因著你,我會改變自己唔好既態度。>
Christine :(望住我)
(我遞起左佢右手、手背向我、因為我正話去左一間M牌手飾店,特登買一樣拍拖禮物比佢。依一條係一條手鏈)
我:再綑綁住佢既心。),今日開始,我會以男朋友既身份,同你一齊面對。將你以往失去既野,係邊度跌倒、今日就要將佢地攞返返來。>
Christine:<嗯~~Wind… I Love You~(流淚)>

佢親了我一下咀~~然後就攬住我!我真係好甜、好幸福。更加令到我起一首歌,依首歌,就好似屬於我同Christine既主題曲咁。亦好貼切我同佢之間既經過:

絶對在乎你~


http://content.12530.com/opt/gfs/wapcms/batchmusic2/20080314/c62df2f2.mp3

(聽唔到~可以用以下條LINK~)


http://hk.youtube.com/watch?v=N9xJupVysq8&feature=related)

粗粗的手欠氣寫詩
空空的手縱欠金衣
卻會為你長年遮風擋雨
至我別去塵世方止
縱說世事裡有對亦有不對
我愛你是百分百絕對
窄路斜路也願伴隨 我越戰越勇
當得到你手在手裡 絕對最愛是你是你是你
我是註定要戀你 那理路裡是怎麼天氣
就算到了逆處絕處盡處
抱你是我的雙臂
我要絕對絕對完全給你
(愛意絕對絕對長燃不死)
這一雙手永遠愛與你牽 一生都溫暖你的肩
縱會被歲月磨得蒼老 每個誓與盟約不變

2011年12月18日星期日

我遇見了她-23

當時,有一架巴士行駛得唔係好快,而突然間有一架電單車係巴士後面迎頭趕上,直沖我同佢既方向。於是我第一時間自然反應就將Christine同自己拉返入行人路。
Christine:<嚇死我呀!>

我:<我都係呀!>

依一個時候,我同Christine仲未驚暈未定。到我醒一醒時先知道自己拖住Christine既手。而我依個時間就同Christine對望左一陣。

我:<Sorry~唔好意思呀。>(我縮開左手)
Christine:<Wind~你係唔係唔想拖我呀?>(有少少失望)
我:<(令令頭)當然唔係啦…只係我唔配同你一齊,其實我好鍾意你,但係真係唔敢同你講,怕以後連朋友都無得做。>
Christine:<(眼濕濕)咁你以往可唔可以拖住我,唔好再比我受傷害呀!依個世界只 有你先令到我知道咩野叫做幸福同埋溫暖!>

依個時間我就輕輕拉埋我身邊攬住左佢,正式向世界宣布我同Christine開始拍拖。
我突然間覺得依個世界好溫暖!因為我生命中多了Christine。真係令我難以置信。我依一種性格,上天總係要我付出好多感情,但係收獲真係每次都係好少。總要我吃好多感情上既苦。但係今天突然間給我賞賜!仲係一個我突然降臨、突然又消。最後又能夠再重遇。雖然過程經歷過驚喜、希望、失望!但係最後也讓到我同佢嘗到同甘共苦既時間。
係銅鑼灣既鬧市中,我拖住Christine係條街度行。係一個聖誕節浪漫氣氛下。能夠同自己喜歡既人漫步。依一種情景,我覺得世界只得我同Christine咁。或者岩岩拍拖既戀人。就係好想依個世界只係存一個人。依個人就你心愛既人。我世界好肯定只有一個人可以站得住。依個人就係Christine。

Christine :<(甜笑)Wind~>
我:<^_^仲乜野呀?>
Christine :<好開心呀!>
我:<我都係呀!我真係無諗過會有依一日出現。>
Christine :<^^係呀!咁唔出現,你咪無依一日囉。>
我:<=.=”好似好有道理喎!>
Christine:<我一直有件事好想講你知。今日終於講可以啦。>
我:<^_^~你講啦。>
Christine:<你知嘛?你係我做左廿幾年人中,你就第一個遇過既人中最特別既一位。>
我:<^^係呀~點解既?>
Christine:<你記唔記得我同你去點識?>
我:(UP 頭)
Christine:<依一晚,我一個人唔想咁早返屋企,於是去APM 行。但係無乜心情去買野。因為我真係好唔開心!因為,依一日係我同Wilson分手第7個月。亦加上我份外想起Jenny。我成個人都係有D心不在焉。去到櫃員機襟錢。點知襟多左5000蚊。其實我只係想襟500蚊。於是我就行去渣打銀行存返入去。一出來,就落好大雨。我就等停雨,我見到好多情侶係我面前行過,我真係好羨慕,點解佢地咁幸福!可以風雨同路,而我就要一個去經歷呢?我望住個天講:可唔可以好似佢地咁呀?比一個人同我渡過。當時~我只係係度呻下。無乜特別。點知,五分鐘後,你就出現。仲遮我去買遮。>
我:<吓~>
Christine:<^^ 你遮我當然深刻啦,依個世界都仲有好心人。大約無見你一個到啦。突然間阿姐叫我去觀塘分行度幫佢手攞少少野,然後先返去我地間行。我平時會係藍田地鐵站度搭車。依一日我特登要落去觀塘。點知見到有個傻仔係度淋雨喎?當我見到你,我形容唔到依一種感覺。不過我覺得係巧合!想起你遮過我,我梗係要遮返你當報恩囉。>
我:<咁你同我一齊係唔係報恩。^^>
Christine:<係呀~傻瓜。諗住同你只係巧合,點知無啦啦係分行見返你喎。點解依個世界咁細既。從來都無諗過~~係第三次見係你,我都有諗過會唔會上天派你落來呢?但係~我對你未有Feel!亦唔知係一個咩野人。加上我感情係一個極慢熱既人,所以,我好怕D男人好主動、喉琴。>
我:<嗯嗯~>
Christine:<係同你最後一次相遇既時間之前,我覺得人生好寂寞!身邊真係孤獨!返工、放工。有時諗不如死左去仲好過啦。人生,點解咁寂寞既。我好想搵人去分享,好想搵人陪我渡過依一個時間。我覺得每一日好似度日如年咁。我覺得人生真係好失敗。直至,係最後一次遇上你,我係架巴士上面,因為八達通無錢好旁徨。你好似天使咁再一次降臨。我形容唔到依一種心情,我既感覺話我知,總係我旁徨無助既情況之下就會係我面前出現。當然我都心存戒心。但係同你巴士傾計後,我直覺覺得你唔我平時我識既男仔。同你相處真係好舒服。經過文化中心、觀塘碼頭。我對你感覺越來越強烈!我真係覺得你就係上天派落來既天使。^^>

我聽完真係好振憾。我真係相信緣份係上天註定!一切既安排真係令我難以相信。
更令我想起阿靜既說話:
<Wind,緣份真係好似你咁,唔洗刻意去做,只要在乎一份自然、流露出來內心既真挈。如果太多人為因素同埋計算。就已經失去左好多意義。Wind、順其自然啦!時機一度,你唔做,佢都會走埋來。>
對住Christine,我真係從來唔敢刻意去做,只係見步行步。我係度諗:如果我係去台灣後走上佢OFFICE比野佢,可能今日做故事已經唔同左。如果我唔佢人生最失意時出現,係巴士上我只係一位過客。
如果唔係有架電單車沖出來。我真係唔敢去拖住Christine,唔敢同佢去表白。我難以形容心中既驚訝!因為世界上既事,我知道有一D野,但係永遠都會點樣來。就好緣份咁。好多人都知道有緣份,但係緣份點來,真係無人知道!

Christine:<Wind呀~我咪係你第一個人係條街識,又係識得好特別架?>

我知道Christine好想我比個答案係佢。但我諗左一陣,我唔應該去欺騙佢。
所以我…

我:(令令頭)

2011年12月17日星期六

有一晚 一個來電.......... [(七)愛與痛的邊緣] - 2

阿力:係阿欣黎喎,你果位補習姐姐。 
   佢今年中幾呀?    
我:中四啦..    
阿力:哦,原來大兩年。  
我走埋去:喂,阿欣..      咁早既..!?   阿欣:係呀,開學前一日訓唔著咪早d返黎囉...     阿樂..你,好似高左咁既?   我:係咩..應該係掛..少少啦..
阿力即刻自卑:頂你阿樂,個個人都話你高左..        冇人話我有高到...屌,你食咩大架!
阿欣:哈哈,阿力我見你都好似大隻左呀。
阿力比阿欣咁樣講一講,又重獲返d自信, 即刻show佢手臂肌肉出黎。     我:得啦得啦,   知你大隻知你大隻!   阿欣:阿樂,你買野飲?
我:嗯....
阿欣同老闆講:唔該一盒凍朱古力奶呀..
我:阿欣..你又知我想買..呢隻既   阿欣:點會唔知呀,你補習果時成日飲奶,    我仲話過你架麻!!正死蠢黎,成日都冇記性。   阿欣買完之後,遞一遞比我。 以前..阿紫負責買既.. 而家,卻換成了阿欣.....
我同阿力跟住就走返去集隊。 我望望條隊.. 阿紫,果然唔會返黎, 果一刻我仲笑自己,點解會仲抱住希望... 又係既,始終呢度都唔係真正屬於佢既地方。
阿力:阿欣都幾細心喎,    會記得你飲咩!       我:唔好亂講啦,   我同佢補習時成日都有盒係身,   佢先會知姐,我地朋友黎架咋。
阿力:係唔係朋友都好,我始終覺得你有女仔緣。
我:哈哈,唔抵得?   你都唔差呀,男人婆仲等緊你呢可能。
阿力:我屌你你仲提喎,    算吧啦,我同佢冇可能架啦。   呢個時候,校鐘亦響起, 一輪悶到仆街而重覆既早宣又開始。

中二了,不只人長高了, 
連班房也要上多一層才到。 
入到班房後, 
我地都各自搵個位坐低, 
冇坐位表既情況下,大家都同返大家玩開果d坐架啦。 
沒想到,除左阿紫走左呢個轉變之外, 
就連班主任,亦都換埋,唔再係miss chan 
班主任入到黎,同大家講: 
大家好!我叫miss lee 
係今年你地既班主任,黎緊我會教你地英文既, 
座位表我聽日會幫你地安排好。 
好啦!咁地而家就選兩位班長去拎d簿上黎先! 
(呢個miss d語氣有點嚴肅,唔似以前miss chan咁友善) 
做班長呢d野,我一向都唔會勇躍,一於少理。 
由同學去投票同提名, 
爭吵一輪過後,估唔到阿力做左男班長。 
而女班長,我亦唔記得係邊個... 
總之,唔會再係阿紫... 
抄好時間表,講完一輪無無聊聊既野之後, 
其實好快到晏就。因為新開學日既關係,我地返半日就放學。 
我見時間過得咁快,我好開心... 
我估阿紫都係返半日, 
所以我好快就可以返到屋企聽到阿紫把聲。 
返到家之後, 
冇耐,我就已經急不及待咁,打比阿紫。