2012年3月31日星期六

嫁個100分男人

應該每位女生都希望嫁個100分男人, 但滿分的定義是各自不同, 專一、有錢,、細心、有擔、風趣? 或是全部都需要? 但人沒有十全十美的呢。
經過一星期的辛勞工作, 進戲院看一套輕鬆喜劇是一個不錯的選擇。
開始前有介紹<<春嬌與志明 (Love in the Buff)>> 片段, 非常吸引, 單是片頭已經令未看第一集的我倆到戲院收看。
可能是有對比, <<嫁個100分男人>>給人感覺故事性不強, 角色們的演出較為浮誇, dvd 是較合適的選擇 不過因為是在屯門的巴黎倫敦紐約觀看, 1:00pm 前只是$35, 加上因為同場有<<桃姐>>, 全場另外只有2個人, 變相包場一樣, $35 進戲院看一套輕鬆小品亦值得。

2012年3月25日星期日

高海拔之戀II的後記:

之前在高海拔之戀II 影評(http://edkwok.blogspot.com/2012/02/ii-romancing-in-thin-air.html)問到:
你們認為一男一女在十一年前相識,之後中間全沒聯絡, 但十一年後遇然在街上碰面, 而且兩人同時是單身的機會是多少呢?

下面一段就是一位香港女孩寫下的真人真事:

「 緣份很奇妙,它不知不覺在我們的身邊出現。
記得十一年前,臨近新年的時候,六七點左右,我們即興說去年宵。吃完飯後我便匆匆忙忙去見你,可是見面的時候,卻看見你憂鬱的樣子,眼角下垂,緊著眉頭,臉上顯出無比的蒼白。對於當時仍然無憂無慮的我來說,我真的不明白為什麼這張臉孔會出現在一個十多歲的男孩子上,那時我只想身邊的朋友開心,既然你是我的朋友,我當然希望你重現歡笑。所以我隨便說笑,但你的反應仍然很冷淡。往後幾次出來,看見你都是那樣子。憂鬱幾乎成為你的標誌,而我就是希望你笑多一點,增加正面的能量。
過了幾個月後,為了應付學校的考試,我也開始忙了,而我們也少了見面。直至有一次你約了我看電影之後,就沒有跟我聯繫了。當我正想再找你去決定時間地點時,卻知道你已經約了其他女性朋友去了。我還可以說什麼,應該為你高興吧!看來你的生活回到正軌了,我還是不要再想著你,回去原本的生活,繼續好好的讀書;所以我把你的電話,甚至網上號碼全刪除了。自此之後,我們一直都沒有見面......
過了幾年,我們巧合地在稲香碰見。雖然你再跟我打招呼,但對於我來說,你的感覺已經變得十分陌生。寒暄幾句,知道你一切安好,面帶笑容就好了。因為無論發生什麼事,我一直都想你幸福快樂,因為你是我的好朋友。

十一年後,正值為自己的將來打算,我去了銀行辦手續,怎知卻聽到一種熟悉的聲音。我轉身一看,原來是你。十一年後,我們又再相遇了,但這次我再看見你,你那憂鬱的眼神又來了,就像當初認識你之前的一樣,相信你一定發生了什麼大事情。雖然我一直覺得你憂鬱的樣子很迷人,但總希望看見你開心的樣子較多,後來大家匆匆交換了電話便走了。
不知什麼原因,看到你傷心的樣子,我總於心不隱,很想可以幫助你;於是我再開始跟你聯繫。幾次了,我才知道你發生了很多很多事。雖然未必可以幫助你解決問題,但總想很簡單,可以聽你的分享,幫你分憂。是真的,我會成為你的小天使,直至你可以再振翅高飛。以前是,現在是,將來也是。

但是自從九月重遇之後,你又再消失兩個月。在網上看見你去新加坡的照片,我很失望。明明說好的約定,你又忘了。為什麼又是這樣子?難道跟十一年前的你又一樣?今次我決定不會再軟弱,並發了一個短訊給你。幸好結果不同......

後來在見面後,我才知道錯怪了你。在你最需要安慰的時候,我怎可以懷疑你呢?真的對不起!而往後幾個月裡,好像跟你的距離拉近了,但又好像不是真實的一樣。一定是我想得太多了吧!
在新年的時候,我去了東京旅行。其實臨走之前,我真的很想可以去年宵,因為延續十一年前的夢想。可惜事與願違,無論我再多努力,都是不能再去了。回來的時候,因為自己都發生了很傷心的事,但又不可以跟其他人分享,最後給你看見我憂鬱的樣子。那一定是很難看的。怎知道你看了後,對我說最感人的話。

由你擁抱著我的那一刻,我覺得自己是最幸福的人。原來緣份早就我們中間,只是我們沒有好好的把握;但現在我再不想後退。而我相信你,人與人的距離有一百步距離,只要我踏前一步,你會用盡力氣走完餘下的九十九步。謝謝你! 」

其實當中的女孩正是我現在的女朋友, 而那位憂鬱的男生正是本人。

2012年3月23日星期五

桃姐

曾經有人認為: 真正的感動是感而不傷,高明的感動是無需煽情。
<<
桃姐>> 就能有這種效果。 每個人都需要經歷生老病死, 戲中默默流露出溫情,雖然因為晚餐遲來而錯過了開頭的20分鐘, 但依然感受到桃姐與羅傑之間的主仆情的變化。
片中安排了不一些笑位就做得恰當, 政府人員訪問老人院的橋段最為反映現實香港情況。 如果不是這電影, 還認為老人家到老人院有同輩玩耍較好 
其實每位老人都希望有家人陪伴, 願所有人都能珍惜陪伴家人的時光, 所謂生有時,死有時 , 樂觀面對並非所有人都能做到

有一晚 一個來電.......... [(七)愛與痛的邊緣] – 6

返到屋企,我就打個電話比阿欣, 
同佢講返,有關以後補習既事....

我:喂,阿欣,阻唔阻住你?    
阿欣:唔阻呀,做咩?  
我:冇,我問過miss chan佢話數學補習已經完晒, 
  佢同我講話補唔補就要睇我同你咁話。 
阿欣:咁你自己既意思係點..?  
我:為左成績既話,我當然想補... 
  只不過,以我而家既心情..我相信我未必有心機了  
阿欣有點愕然,問:點解? 
         係咪因為....阿紫轉左校..?  
我:嗯... 
  我始終好唔慣..未適應倒.. 
  冇左佢係度既時候,我個心總係好唔安樂,好亂, 
  冇晒安全感。  
阿欣:阿樂,好明顯你係一個缺乏安全感既人黎架啦。 
我:嗯...我諗係因為自小家庭問題所影響.. 
  (所以,我實在好倚賴阿紫,佢係我惟一既依靠黎) 
阿欣:阿樂!拍拖還拍拖!  
   你咁樣既心情會影響學業架你知唔知呀!  (阿欣語氣帶點嚴厲) 
   你唔係話你一直想拎好d成績比你媽咪睇架咩!? 
   做咩呀?而家就放棄啦...  
我:唔係..... 
阿欣:其實我都明白你既痛苦, 
   你有咩都可以打黎同我講,當渲洩又好咩都好麻.. 
   我唔想見到你成日唔開心呀!    
我即刻呆左一呆:阿欣...你..  
阿欣好口快咁答:我係你交心既朋友呀麻..         呢d野好正常姐!  
阿欣繼續話:其實我中四選左科之後,       d野都深左,我未必花倒太多時間比你,       所以每個星期一次就真係冇可能架啦!       你有唔識先搵我咪得囉!  
我:咁樣會唔會麻煩倒你?我真係冇咩所謂...
阿欣:唔麻煩!你唔好咁長氣啦!    總之我唔想再見你咁唔開心落去啦,    再係咁我打到你笑為止架!    
就係咁,開學之後, 我有咩唔識先再搵阿欣。 係九月中果時,我同阿紫約好左... 話九月尾既周末可以見面。 果一刻,我真係覺得好開心...    等左咁耐,終於有機會見到阿紫,係實實質質咁見到..
不過,同以前相比,落差相在太大.... 中一既時候,我地幾乎日日見面... 而家中二,我地亦只係一個月見一次面... 有時候..甚至..一個月都冇一次... 同我想像中,每兩個星期見一次面, 實在相差得太遠,太遠。 試問見一次面既時間,點樣可以填補我一個月見唔到你果種空虛呢..
或許我應該唔可以再成日拎以前同而家黎相提並論, 因為根本無得比... 咁樣只會令自己更加唔開心。 每日每日,我只係可以同到阿紫傾一次電話... 雖然都維持住一小時... 但係,我地果種愛情既感覺, 好似有點兒,稍稍唔通左... 係我既錯覺嗎.....

中二既興趣班,我只係報左乒乓球學會。 
因為乒乓波既運動量冇其他運動咁大, 
對自己本身個病,都安全少少。  
一星期一次既練波,早已習以為常。 
今日,我竟然見到阿欣。  
佢見到我之後,笑住咁向我揮手示意。 
我叫第二個代我打住先,我就行一行埋佢度。 
我:做咩,搵我有事?    
阿欣:冇呀,見冇野做咪過黎睇一睇你打波囉。  
我:冇野做又唔走既?  
阿欣:差唔多啦! 
   頭先見你教中一d學生喎! 
   勁啦!升到中二果然唔同d呀下! 
   識教人啦!      
我:哈哈,咪玩啦!職責所在姐.. 
  阿sir叫我教唔通我唔教咩。    
阿欣:咁幾時再教我姐。    
我:你唔係話好忙架咩?    
阿欣:忙極都有時間輕鬆下既...  
我:但我好忙喎!    
阿欣:玩野呀靚仔! 
   而家吊高黎賣啦!!      
我:哈哈,點敢呀,欣姐你叫到, 
  我幾時都奉陪到底既。 
  你想打果時先約我啦!!    
阿欣:嗯,歐歐手指尾。    
   (估唔到,阿欣會好呢一味既玩意      
我:仲細咩你!!低b婆!    
阿欣:頂,叫你歐就歐啦!    
然後,我同佢就歐左一歐。 
阿欣繼續話:阿樂你樽水飲晒未呀?  
我望一望個樽:飲晒啦,做咩?    
阿欣:你比一比我呀,我過去飲水機幫你添d水呀! 
阿欣佢..幾時變到咁體貼,令到我有點受寵若驚 
所謂有朋自遠方來,非奸即盜!  
我:唔..唔該你。 

2012年3月20日星期二

有一晚 一個來電.......... [(七)愛與痛的邊緣] - 5

Lunch既時候,換左間午膳供應商。 
一食既時候,我就知奶野。    
我即刻好大聲咁話:嘩頂!咁難食既呢個餐!    
講完之後即刻有好多人一路笑住一路望我, 
搞到我有d唔好意思。    
阿薇:超!又係你地貪新鮮話換左個供應商, 
   而家咪自己拎黎賤囉!    
我睇睇阿薇個餐, 
同佢講:喂!呃錢喎呢個餐,少野成咁既。  
阿薇:減肥餐係咁架啦!!(中學都有減肥餐供應咁體貼   
食完lunch之後, 
我見無咩野做,就落去行下。 
平時之前中一既日子,我都有阿紫陪住我行下,係學校散下步。 
而家...得返自己一個行既時候,愈行就愈無癮。 
我對眼,再見唔到阿紫既樣貌同佢既身影, 
我雙耳,再聽唔到佢甜美可人既聲線, 
我個鼻,亦都再聞唔到佢身體,甚至頭髮既香氣。 
我雙手,更加,觸摸唔到佢。 
就好似,觸不到的戀人一樣.... 
彷彿我已經盲了,聾了似的.... 
呢個時候,Amy同阿力行緊過黎.....
Amy:喂!阿樂!做咩咁愁既樣呀?      
    成日悶悶不樂咁既?    
阿力:相思病呀佢!!    
Amy:哦!掛住阿紫下話, 
    又難怪既無神神轉左校,  
    見唔到係有d唔慣架啦!!  
我:我冇野喎真係...    
Amy:冇野就唔會好似而家咁既樣啦! 
    拿!唔好話我唔益你。  
    我蝕底d,比你當住我係阿紫先勒。 
    最多我每日都買盒朱古力奶比你,  
    小息同你遊下學校啦!(X你個amy玩d咁既野,仲見我未夠死咩   
我聽到即刻笑住講:哈哈,唔駛啦amy! 
         我唔想飲你d奶!  
         同你一齊係學校散步,只會令我既相思病情況更加糟糕!  
         你既好意,我都係心領啦!    
Amy:哈哈,阿樂你真係有寶都唔識執! 
    我有咩比唔上阿紫呢!      
阿力即刻笑住講:哈哈,amy你同阿紫好大差別喎, 
         體型上係最明顯架啦!    
Amy:超,你唔抵得我有豐滿既身材同迷人既曲線姐。  
我:你身材既曲線曲到圓咁濟啦喎!  
  拿!即係咁,你有冇睇過無記拍既尋秦記先。 
Amy:有呀!我晚晚都追呢套劇既。  
我:你明唔明白點解導演明知道係拍緊一套古代劇, 
  都要搵一d又瘦又靚既女主角去拍咁唔寫實?  
Amy:唔知喎,點解呀!  

我:就係因為導演明知道,比著佢自己係項少龍呀, 
  返到古代見到全部都係你咁既身型既龐然大物, 
  都即刻返返黎現代啦,  
  咁套劇仲駛做既?一集就大結局啦!  
   
amy:頂你阿樂把口真係衰過人既。      
我:所以我都係當唔倒你係阿紫架啦。 
  不過我知你咁做係想引我笑,你成功左啦! 
  amy,你都係快點回去古代啦, 
  係現代好危險,我同你都冇可能架啦,哈哈。  
放學既時候, 
自己背起書包, 
落到樓下中一果層既時候, 
經過自己中一之前既班房... 
估唔到,已經人去樓空, 
只剩下一位工友伯伯係度打掃。 
寂寞既心境, 
又再一次一次被無情既現實喚醒起來。 
阿紫,你係度做緊咩野? 
我好掛住你。